Вы тут

Хочаце шмат парэчак?


Насушыце бульбяной лупіны

Ачысткі ад бульбы — багатая крыніца крухмалу, які так патрэбен парэчкам. Ад яго ягады вырастаюць да памеру вішні.


Таму вазьміце за правіла не выкідваць бульбяную лупіну, а збіраць, сушыць і захоўваць да патрэбных часоў.

Дарэчы, ачысткі выдатна сохнуць на батарэі або проста раскладзеныя ў адзін пласт на падаконніку. Захоўваць іх лепш у мяшочках з тканіны.

Усю вясну і лета закопвайце сухія бульбяныя ачысткі пад кусты ці заварвайце іх кіпнем і астуджаны адвар выкарыстоўвайце для паліву парэчкі.

Бульбяныя ачысткі можна таксама выкарыстоўваць у якасці ўгнаення пры пасадцы капусты і агуркоў. Для гэтага іх размочваюць і здрабняюць у кашыцу. Пры падрыхтоўцы лунак «бульбяную кашу» закладваюць на дно, прысыпаюць зверху зямлёй, а затым высаджваюць расаду.


Варта ведаць

Мята

Духмяная расліна з вялікай колькасцю ментолу непрыемная для камароў, мышэй і мурашак. Мятай ратуюцца ад надакучлівых насякомых на адкрытым паветры. А высушаныя галінкі прагоняць з дому грызуноў і мурашак.

Мульча з мяты стане абаронай для градак з гарбузом, капустай і кабачкамі. Мошкі і вусені не вырашацца наведваць такі агарод.

Меліса

Гэтая меданосная траўка з белымі кветкамі і лімонным водарам не даспадобы крывасмокам. Яе можна высаджваць каля зон адпачынку і недалёка ад градак для таго, каб адпуджваць насякомых ад людзей. Дарэчы, будзе карысна гэта і раслінам, якія растуць побач з мелісай, паколькі і іх яна абароніць ад шкоднікаў.

Калі хочацца схадзіць у лес або пагуляць каля вадаёма, дастаткова пацерці адкрытыя ўчасткі цела духмянымі лісцікамі. Акрамя адпуджвання насякомых гэтая працэдура яшчэ ў некаторай ступені заменіць дэзадарант, надаўшы скуры прыемны пах.

Пятрушка

Калі яе пасадзіць непадалёк, гэтая траўка добра засцеражэ спаржу, клубніцы. Смаўжы і слімакі не будуць прэтэндаваць на ўраджай. А пасля сваёй «працы» на агародзе і ў садзе пятрушка стане цудоўнай прыправай да шматлікіх страў і марынадаў, забяспечыць арганізм карыснымі вітамінамі і мінераламі.

Ірына ТАМКОВІЧ

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.