Вы тут

У пятніцу ў сталіцы стартуе матч Кубка Дэвіса Беларусь — Аўстрыя


Гэтая гульня 2-га круга І групы Еўра-Афрыканскай зоны, туды нашы тэнісісты трапілі, абыграўшы ў лютым зборную Румыніі.


Красавік чакаецца па-сапраўднаму гарачым тэнісным месяцам — на выхадных прадстаўнікі мужчынскай зборнай пазмагаюцца з аўстрыйцамі, а праз два тыдні беларускія дзяўчаты выступяць у паўфінале Сусветнай групы Кубка Федэрацыі. Абедзве вялікія падзеі ў свеце спорту прымае Мінск.

Зборная Аўстрыі ўжо прыбыла ў Беларусь і пачала трэніроўкі на кортах сталічнага Палаца тэніса. Каманда гасцей сёння знаходзіцца на 34 месцы ў рэйтынгу Кубка Дэвіса, Беларусь у гэтым спісе нязначна вышэй — на 31-й пазіцыі. На матч не заяўлены лідар аўстрыйскай зборнай Дамінік Цім, які з'яўляецца 9-й ракеткай свету, ён рыхтуецца да старту грунтовага сезона ў Сусветным туры. У складзе каманды Аўстрыі браты Геральд (109-е месца ў рэйтынгу АTР) і Юрген (156-е) Мельцэры, Аляксандэр Пея (28-ы нумар АTР у парным разрадзе) і Юліян Ноўл (81-ы ў парным разрадзе).

— Гэта самая моцная аўстрыйская каманда, якую нам удалося сабраць. У пары, хутчэй за ўсё, выступяць Аляксандэр Пея і Юліян Ноўл, у якіх ёсць добры вопыт гульні разам. У беларусаў вельмі небяспечны Ягор Герасімаў, ён у добрай форме, але пастараемся згуляць у Мінску як мага лепш, — адзначыў капітан зборнай Аўстрыі Штэфан Каўбек.

На будучую сустрэчу ў беларусаў заяўлены Ілья Івашка (185-ы ў рэйтынгу АТР), Ягор Герасімаў (напярэдадні ён стаў пераможцам турніру серыі АТР Сhаllеngеr у французскім Сен-Брыё), Яраслаў Шыла (452-і) і Максім Мірны (26-ы ў рэйтынгу АTР у парным разрадзе).

Адзначым, што для Максіма гэта будзе 50-ы матч за зборную, можна сказаць, што ў яе абойме «Вялікі Макс» з самага дня заснавання. Свой першы паядынак у складзе нацыянальнай каманды ён адыграў у 1994 годзе супраць Алжыра ў ІІІ Еўра-Афрыканскай групе Кубка Дэвіса. За дзесяць гадоў Мірнаму разам з камандай удалося прайсці нялёгкі шлях з «нізоў» гэтага прэстыжнага турніру да паўфіналу Сусветнай групы ў 2004 годзе. Гэты вынік, дарэчы, да гэтага часу з'яўляецца найлепшым у гісторыі нашай зборнай.

— Лічбы для мяне нічога не значаць. Я проста рады, што яшчэ магу быць карысны камандзе, — кажа Мірны. — Заўсёды з радасцю адклікаюся на запрашэнне нацыянальнай каманды. На дадзеным этапе маёй кар'еры матчы Кубка Дэвіса — самыя яркія моманты. Столькі гледачоў не бывае на парных матчах, калі ты гуляеш у туры АТР.

Акрамя выступлення за зборную Максім можа пахваліцца і паспяховай асабістай кар'ерай, найбольшых дасягненняў ён дамогся ў парным разрадзе — былая першая ракетка свету. Дзесяціразовы пераможца турніраў Вялікага шлема ў парным разрадзе і міксце, пераможца 50 турніраў АTР (адзін — у адзіночным разрадзе). Разам з Вікторыяй Азаранкай у 2012 годзе Мірны стаў алімпійскім чэмпіёнам у міксце. Зараз Максіму ўжо 39 гадоў і ён працягвае сваю паспяховую кар'еру.

Адзначым, што ўваход на матч Беларусь — Аўстрыя вольны.

Да тэмы

Міжнародная тэнісная федэрацыя назвала першых чатырох уладальнікаў прэстыжнай прэміі Fеd Сuр Hеаrt Аwаrd 2017. Беларуская тэнісістка Арына Сабаленка атрымала ўзнагароду за бліскучае выступленне ў матчы першага круга Сусветнай групы супраць зборнай Нідэрландаў.

— Рада прэміі! — падзялілася Арына. — Хачу падзякаваць балельшчыкам, якія галасавалі за мяне. Менавіта дзякуючы прыхільнікам нашага віду спорту ў мяне ёсць магчымасць дапамагчы таму, хто ў гэтым мае патрэбу.

Пераможцы атрымаюць чэк, які змогуць перадаць выбранаму ім дабрачыннаму фонду.

Адзначым, што падобная ўзнагарода ў 2016 годзе ўручана беларусцы Аляксандры Сасновіч, а ў 2011-м — Вікторыі Азаранцы.

Дар'я ЛАБАЖЭВІЧ

lobazhevich@zviazda.by

Загаловак у газеце: Пяцідзясяты бой Мірнага

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.