Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго, каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
Тлум — шум, гоман, сумятня.
Парка́н — агароджа з бярвёнаў, штыкецін.
Вяпру́к — самец свінні.
Мітка́ль — простая тонкая баваўняная тканіна. У слова персідскія карані.
Чапурны́ (разм.) — прыбраны, прыхарошаны.
Пяке́льны (разм.) — жорсткі, бесчалавечны.
Хоць шаром пакаці — нічога няма, зусім пуста. Беларускія адпаведнікі: ні хаты ні лапаты, ні вала ні каня. Рускі: ни кола ни двора.
Паказаць пяткі — уцякаць, ратавацца ўцёкамі. Беларусы яшчэ скажуць: навастрыць лыжы, даць драла. Рускія: дать драпака, задать стрекоча.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.