Напрыканцы тыдня надвор'е паказала свой веснавы няўстойлівы характар. У пятніцу атмасферны фронт перамесціцца на ўсход краіны, пасля чаго на тэрыторыю Беларусь будуць паступаць паветраныя масы з Заходняй Еўропы, паведамляе намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
У суботу і нядзелю будзе халаднавата. Тэмпература паветра ўначы складзе ад мінус 4 градусаў да 3 цяпла, удзень — ад плюс 6 да плюс 12 градусаў. Па паўднёвым захадзе чакаецца крыху цяплей, калі ўначы будзе 4—5 цяпла, а ўдзень — да плюс 15 градусаў.
Паводле доўгатэрміновых прагнозаў айчынных спецыялістаў, ужо ў панядзелак чакаецца цёплае, пераважна без ападкаў надвор'е. Уначы і раніцай магчымы слабы туман. Тэмпература паветра ўначы складзе ад мінус 1 да плюс 6 градусаў. Удзень — 10—17 цяпла, а па паўднёвым захадзе — нават да плюс 21 градуса. І ў аўторак уначы вялікая частка краіны застанецца ў вобласці павышанага атмасфернага ціску, але ўдзень надвор'ем будзе кіраваць атмасферны фронт, які рухаецца з паўночнага захаду на паўднёвы ўсход. Таму ўначы ў крайніх паўночна-заходніх раёнах, а ўдзень на большай частцы тэрыторыі краіны чакаюцца кароткачасовыя дажджы, днём па паўднёвым усходзе магчымы навальніцы. Тэмпература паветра ўначы будзе 2—9 цяпла, удзень — ад плюс 8 да плюс 15 градусаў. Толькі па паўднёвым усходзе максімальная тэмпература складзе да 20 цяпла.
Сяргей КУРКАЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.