Вы тут

Бібліятэка БДУ укараняе новыя падыходы да абслугоўвання


Мадэрнізаваная зала інфармацыйных рэсурсаў па навуцы і мастацтву адкрылася ў Фундаментальнай бібліятэцы БДУ.


Фота: artguide.com

Галоўны прынцып — свабодны доступ чытачоў да літаратуры. Студэнты і выкладчыкі змогуць самастойна падысці да кніжных паліц, выбраць патрэбнае выданне, пачытаць яго на месцы або пры неабходнасці ўзяць на абанемент.

Цяпер у адкрытым доступе знаходзіцца больш як 60 тысяч экзэмпляраў навуковай, адукацыйнай і мастацкай літаратуры. Усяго ў Фундаментальнай бібліятэцы ў адкрытым доступе — больш як 200 тысяч кніг, што з'яўляецца адным з самых высокіх паказчыкаў у Беларусі.

Плошча залы складае 600 квадратных метраў і разлічана на 70 пасадачных месцаў. Палова з іх — камп’ютарызаваныя.

У зале прадугледжана зона для індывідуальнай і групавой падрыхтоўкі, а таксама для актыўнага ўзаемадзеяння выкладчыка і студэнта. Акрамя таго, тут можна будзе скарыстацца рэфератыўнай і паўнатэкставай навуковымі базамі дадзеных, атрымаць кансультацыю спецыяліста па навукаметрычных рэсурсах і пошуку аўтарытэтнай інфармацыі.

У гэтай зале прадугледжана таксама і зручная навігацыя паказальнікаў раздзелаў на беларускай, рускай і англійскай мовах, з мэтай стварэння аптымальных умоў працы ў бібліятэцы для замежных студэнтаў.

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».