Калі тэлефон падказвае вам, куды ісці, мозг расслабляецца і не задзейнічае тыя зоны, якія актыўна працуюць пры самастойным пошуку шляху. Але ёсць і добрыя навіны.
Навукоўцы з універсітэта Кента ў Вялікабрытаніі высветлілі, што выкарыстанне GPS-навігатара зніжае актыўнасць мозга, «адключаючы» тыя яго функцыі, якія адказваюць за арыентацыю ў прасторы, проста кажучы, людзі адвучаюцца арыентавацца на мясцовасці. Даследаванне апублікавана ў часопісе Nature Communіcatіons. У ходзе эксперыменту 24 добраахвотнікі павінны былі знайсці патрэбны адрас у віртуальнай мадэлі раёна Соха ў Лондане — спачатку без дапамогі камп'ютара, а затым з выкарыстаннем GPS-падказак. Пры гэтым за мозгам кожнага з іх вялі назіранне з дапамогай функцыянальнай МРТ. Вынікі даследавання паказалі, што пры самастойным пошуку ў мозгу ўдзельнікаў актывізаваліся гіпакамп і прыфрантальная кара, якія адказваюць за навігацыю і прыняцце рашэнняў. У другім выпадку гэтыя ўчасткі мозгу не выкарыстоўваліся. Навукоўцы растлумачылі, што ў гэтай з'явы ёсць і станоўчы бок. Вызваляючы сябе ад неабходнасці пракладаць маршрут самастойна, людзі атрымліваюць магчымасць выкарыстоўваць рэсурсы мозга для іншых мэт.
Іван Купарвас
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
