Конкурс складаецца з двух тураў: завочнага і вочнага. Работы першага адборачнага тура прымаюцца да 1 чэрвеня па адрасе: 25.BY-PL@bsu.by. Даследаванне можа быць выканана індывідуальна або аўтарскім калектывам. Пераможцаў першага тура вызначаць да 15 ліпеня. Усе яны будуць дапушчаныя да вочнага выпрабавання. Яно пройдзе з 29 верасня 1 кастрычніка ў Мінску. Гэты этап будзе арганізаваны ў фармаце публічнай абароны. Канкурсантам трэба будзе прадставіць свае тэарэтычныя пошукі навуковай грамадскасці.
Арганізатарамі конкурсу выступілі БДУ, Польскі інстытут у Мінску і Інстытут гісторыі Вроцлаўскага ўніверсітэта (Польшча).
Інтэлектуальнае спаборніцтва прысвечана 25-годдзю ўстанаўлення дыпламатычных адносін паміж Беларуссю і Польшчай і накіравана на папулярызацыю ведаў у галіне агульнай гістарычнай спадчыны, а таксама на ўмацаванне добрасуседскіх адносін паміж краінамі.
Яго ўдзельнікамі могуць стаць як беларускія, так і польскія студэнты незалежна ад спецыфікі і профілю вышэйшай навучальнай установы, курса і спецыяльнасці. Да разгляду прымаюцца тэксты, якія раскрываюць тэму гістарычнай і культурнай спадчыны Беларусі і Польшчы.
Для ўдзелу неабходна запоўніць заяўку на старонцы гістарычнага факультэта БДУ.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
