У сакавіку золатавалютныя рэзервы Беларусі ў адпаведнасці з метадалогіяй Міжнароднага валютнага фонду знізіліся на 6,2 млн долараў і склалі на пачатак красавіка 5 млрд 16,1 млн долараў у эквіваленце.
У прэс-службе Нацыянальнага банка паведамляюць, што, паводле вынікаў першага квартала, прырост рэзерваў склаў 88,9 млн, ці 1,8%. У нацыянальным вызначэнні аб'ём золатавалютных рэзерваў на 1 красавіка склаў 5 млрд 409,1 млн долараў. За студзень—сакавік рэзервы ў нацыянальным вызначэнні павялічыліся на 224,1 млн долараў, або на 4,3%.
Эксперты рэгулятара адзначаюць, што адмоўны ўплыў на дынаміку рэзерваў аказала планавае пагашэнне ўрадам і Нацыянальным банкам знешніх і ўнутраных абавязацельстваў у замежнай валюце, а таксама зніжэнне цаны золата на міжнародным рынку каштоўных металаў. Падтрыманню ўзроўню золатавалютных рэзерваў у сакавіку спрыялі паступленне сродкаў ад продажу Нацбанкам і Міністэрствам фінансаў аблігацый, намінаваных у замежнай валюце, паступленні ад збірання экспартных пошлін на нафту і нафтапрадукты, а таксама купля Нацыянальным банкам замежнай валюты на таргах Беларускай валютна-фондавай біржы. Трэба адзначыць, што летась золатавалютныя рэзервы краіны ў вызначэнні МВФ павялічыліся на 751,4 млн долараў (на 18%) да 4 млрд 927,2 млн долараў (у эквіваленце) па стане на 1 студзеня 2017 года. Асноўнымі напрамкамі грашова-крэдытнай палітыкі на 2017 год прадугледжаны рост золатавалютных рэзерваў у вызначэнні МВФ не менш, чым на 500 млн долараў.
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
