У Ліцэі Беларускага дзяржаўнага ўніверсітэта распачаўся прыём дакументаў ад ахвотных стаць на бліжэйшыя два гады ўладальнікамі ганаровага звання “ліцэіст”. Яны будуць прымацца да 6 мая ўключна.
Новаўвядзеннем сёлетняй прыёмнай кампаніі стане прыём дакументаў у анлайн-рэжыме праз “асабісты кабінет абітурыента”. З дапамогай гэтага электроннага рэсурсу старшакласнікі змогуць зарэгістравацца для ўдзелу ва ўступных выпрабаваннях, азнаёміцца з раскладам экзаменаў, а таксама даведацца пра іх вынікі. Ну а для абітурыентаў з аддаленых рэгіёнаў краіны гэта яшчэ і цудоўная магчымасць падаць дакументы, не выходзячы з дома.
Залічэнне ў 10 класы ліцэя будзе ажыццяўляецца па выніках двух пісьмовых уступных іспытаў, якія пройдуць 14 і 21 мая. Рэзервовы дзень — 27 мая.
Усяго ў 2017/2018 навучальным годзе ў ліцэі плануецца сфарміраваць 12 класаў па 22 чалавекі: па два — матэматычных, фізічных, біялагічных, філалагічных, гісторыка-грамадазнаўчых і па аднаму — хімічнаму і інфарматыка-матэматычнаму.
Без уступных іспытаў у Ліцэй БДУ залічваюцца пераможцы заключнага этапу рэспубліканскай алімпіяды (уладальнікі дыпломаў I, II або III ступені) па фізіцы, матэматыцы, інфарматыцы, хіміі, біялогіі, гісторыі, грамадазнаўстве, рускай мове і літаратуры, беларускай мове і літаратуры і англійскай мове.
У папярэдні год агульны конкурс у Ліцэй БДУ склаў 7 чалавек на месца. Самы высокі конкурс (11,8 чалавека на месца) утварыўся на рускім філалагічным кірунку. А найбольшая колькасць заяў ад абітурыентаў паступіла на хіміка-біялагічны профіль — 363. На адно месца тут было зарэгістравана 9,4 прэтэндэнта.
Прахадны бал на філалагічны кірунак (руская—англійская мова) склаў 123, на хіміка-матэматычны і фізічны — 132, хіміка-біялагічны — 131, філалагічны (беларуская мова) — 125, прыкладная інфарматыка — 130, матэматычны — 119, гісторыка-грамадазнаўчы — 114. Акрамя таго стаць ліцэістамі пажадалі 32 пераможцы рэспубліканскіх прадметных алімпіяд.
Між іншым, да канца красавіка на серверы дыстанцыйнага навучання для абітурыентаў Ліцэя БДУ арганізаваны бясплатныя рэпетыцыйныя экзамены.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.