Вы тут

Дзедавы рэліквіі


Так ужо атрымалася, што свайго дзядулю я бачу толькі на канікулах. Ён жыве ў іншым горадзе, таму і наведваю яго не так часта, як хацелася б. Але нават нягледзячы на рэдкія сустрэчы, дзядуля ніколі не ўпусціць магчымасці па скайпе ці тэлефоне расказаць пра свае незвычайныя адкрыцці. Справа ў тым, што ён займаецца дэталёвым вывучэннем гісторыі роднай вёскі, гадзінамі праседжвае ў архівах і, як дзіця, цешыцца неспадзяваным вынаходкам.


У вёсцы дзед не жыве ўжо даўно (з самога юнацтва пераехаў у горад). Але сувязь з роднай зямлёй настолькі трывалая, што і цяпер ён вяртаецца ў край дзяцінства. Шукае старыя дакументы, піша нататкі ў мясцовыя газеты пра славутых аднавяскоўцаў...

Гэтым разам дапамога скайпу нават не спатрэбілася — я завітала да дзядулі на выхадныя. І што вы думаеце, ён не траціў марна часу! Адразу выклаў на стол кіпу старых фотаздымкаў! Аказваецца, з часу нашай апошняй сустрэчы ён паспеў з'ездзіць у вёску, пагутарыць са старажыламі і знайсці шмат цікавага матэрыялу. «Ганне, з фронту... 1942 г.», — чытае дзед надпіс на адваротным баку фотакарткі і асцярожна перакладае яе ў асобную скрынку, дзе захоўваюцца ўсе яго рэліквіі. Іх, звязаных з гісторыяй роднай вёскі, мае сотні.

Я гляджу на шчаслівыя вочы роднага чалавека і разумею, што гэтыя пажоўклыя шматкі паперы — для яго велізарная каштоўнасць. Гэта памяць. Сувязь з тымі, хто з'яўляецца яго неад'емнай часткай.

Зараз дзед піша ўжо другі нарыс пра гісторыю роднага краю. І я ўпэўнена, што гэта толькі пачатак яго творчай дзейнасці, бо яму ўжо прыходзяць паведамленні ад людзей, якія цікавяцца яго даследаваннямі.

Аляксандра КАМКО

Шаноўныя чытачы! Конкурс «Фотаздымак з гісторыяй» працягваецца. Мы па-ранейшаму чакаем ад вас цікавых фота з сямейнага альбома. Здымкі (не больш за тры) з невялікай гісторыяй дасылайце з адпаведнай пазнакай на адрас: вуліца Б. Хмяльніцкага, 10а, 220013, г. Мінск або іnfo@zvіazda.by. Найлепшага аўтара чакае прыз. Арыгіналы дасланых фотаздымкаў абавязкова вяртаюцца.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.