Прэзідэнт Беларусі Аляксандр Лукашэнка 13—14 красавіка зробіць рабочы візіт у Кыргызскую Рэспубліку, паведамляе прэс-служба кіраўніка дзяржавы.
У Бішкеку 14 красавіка Аляксандр Лукашэнка прыме ўдзел у пасяджэнні Вышэйшага Еўразійскага эканамічнага савета. Кіраўнікі дзяржаў плануюць абмеркаваць рэалізацыю асноўных напрамкаў міжнароднай дзейнасці ЕАЭС, асноўныя арыенціры макраэканамічнай палітыкі дзяржаў — членаў ЕАЭС на наступныя гады. Асаблівая ўвага будзе ўдзелена эканамічнаму супрацоўніцтву з трэцімі краінамі.
Па выніках пасяджэння чакаецца падпісанне шэрагу міжнародных дакументаў.
У гэты ж дзень Аляксандр Лукашэнка прыме ўдзел у нефармальнай сустрэчы кіраўнікоў дзяржаў — членаў АДКБ. Прэзідэнты абмяркуюць абстаноўку ў сферы бяспекі, актуальныя выклікі і пагрозы, а таксама шляхі сумеснага процідзеяння ім.
Учора БЕЛТА са спасылкай на прэс-сакратара Прэзідэнта Наталлю Эйсмант паведаміла, што Аляксандр Лукашэнка падпісаў Мытны кодэкс ЕАЭС.
Канцэрт для дзяцей і моладзі, пластычны спектакль Ягора Дружыніна і «Рок-панарама».