Вы тут

Калекцыянер з Вялікабрытаніі знайшоў у савецкім танку Т-54 золата


Калекцыянер з Вялікабрытаніі Нік Мід знайшоў у савецкім танку Т-54 пяць залатых зліткаў агульным коштам у 2 мільёны фунтаў стэрлінгаў (2,5 мільёна долараў), піша The Sun.


55-гадовы Мід купіў танк на інтэрнэт-аўкцыёне eBay за 37 тысяч долараў. Зліткі ён знайшоў у паліўным баку, калі вывучаў пакупку разам з механікам Тодам Чэмберленам, які і ацаніў знаходку. Калекцыянер быў так здзіўлены, што выклікаў паліцыю, якая канфіскавала ў яго золата пад распіску. «Хай я не атрымаю золата назад, затое ў мяне застанецца мой цудоўны танк», — заявіў брытанец. Набыты ім Т-54 належаў узброеным сілам Ірака і ўдзельнічаў у Вайне ў Персідскім заліве 1990—1991 гадоў. У той час ён быў захоплены войскамі міжнароднай кааліцыі (Вялікабрытанія ўваходзіла ў яе) і дастаўлены ў Злучанае Каралеўства. На думку Міда, іракскія ваенныя схавалі ў адсек для паліва золата са сховішчаў Кувейта. СССР у 1959—1968 гадах паставіў Багдаду прыкладна 300 сярэдніх танкаў Т-54.

У цяперашні час калекцыя брытанца налічвае каля 150 адзінак ваеннай тэхнікі, якую ён трымае ў межах сваёй фермы. За грошы ён дае магчымасць не толькі сфатаграфавацца, але і пакатацца на любой баявой машыне на хаду ўсім ахвотным, чым і зарабляе.

Загаловак у газеце: Золата ў танку

Выбар рэдакцыі

Палітыка

Як галасуюць рэгіёны на выбарах Прэзідэнта

Як галасуюць рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.