На наступным тыдні «Беларусь 1» працягне паказ дакументальнага цыкла «Справа жыцця». Калі першыя 12 серый былі прысвечаны распрацоўкам беларускіх вучоных, то цяпер у аб'ектывы камер Агенцтва тэленавін трапілі творцы — заслужаныя дзеячы мастацтваў і калектывы, прадстаўленыя на саісканне Дзяржаўных прэмій Рэспублікі Беларусь у галінах літаратуры, мастацтва і архітэктуры 2016 года.
У першым фільме 17 красавіка гледачы пазнаёмяцца бліжэй з творчай групай Вялікага тэатра оперы і балета — народнымі артыстамі Беларусі Анастасіяй Масквіной, Сяргеем Франкоўскім і Нінай Ламановіч, заслужанымі артыстамі Аксанай Волкавай і Станіславам Трыфанавым, галоўным мастаком тэатра Аляксандрам Касцючэнкам, якія ўсе разам стварылі оперны спектакль «Сівая легенда» паводле Караткевіча. Сярод герояў наступных выпускаў праекта — кампазітар Уладзімір Кандрусевіч, акцёр тэатра і кіно Расціслаў Янкоўскі, рэжысёр Анатоль Алай і іншыя. «Акрамя сустрэч з дзеячамі культуры, у кожнай серыі цыкла будуць выкарыстаны рэдкія запісы, сабраныя ў архіве нашага медыяхолдынга», — інтрыгуе загадчык аддзела культуры АТН Міхась Равуцкі.
Вікторыя ЗАХАРАВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
