Вы тут

Наша краіна можа перамагчы СНІД адной з першых


У многім беларуская медыцына з'яўляецца ўзорнай. Адным з самых яскравых прыкладаў гэтага можна назваць той факт, што наша дзяржава стала адной з першых у рэгіёне і свеце, якая пацвердзіла летась выключэнне перадачы ВІЧ ад маці да дзіцяці і атрымала адпаведны сертыфікат Сусветнай арганізацыі аховы здароўя.


Учора Прэзідэнт Беларусі Аляксандр Лукашэнка сустрэўся з выканаўчым дырэктарам Аб'яднанай праграмы ААН па ВІЧ/СНІДу (ЮНЭЙДС) Мішэлем Сідзібэ.

— Перш за ўсё хачу выказаць вам удзячнасць за тую каласальную дапамогу і падтрымку, якую вы аказвалі нам у галіне аховы здароўя, асабліва ў барацьбе з такой страшнай хваробай, як ВІЧ/СНІД, — сказаў кіраўнік дзяржавы напачатку сустрэчы. — Дзякую вам за тую ацэнку, якую вы даяце Беларусі ў рабоце па пераадоленні гэтай хваробы. Скажу вам шчыра, калі б не было вашай падтрымкі ў барацьбе з гэтай хваробай, мы ніколі б не дабіліся такіх вынікаў.

Прэзідэнт нашай краіны асабіста ўручыў Мішэлю Сідзібэ высокую дзяржаўную ўзнагароду — медаль Францыска Скарыны.

— За той велізарны ўнёсак, які вы зрабілі ў ахову здароўя Беларусі, — аргументаваў кіраўнік дзяржавы.

Прадстаўнік ААН падзякаваў Прэзідэнту за яго лідарскую пазіцыю, дзякуючы якой дзяржава змагла так прасунуцца ў барацьбе з хваробай. Ён падкрэсліў: Беларусь дэманструе, што ўжо новае пакаленне можа быць народжана без праблемы СНІДу і ВІЧ-інфекцыі. Увесь свет да гэтага ішоў вельмі доўга.

У тэму

Васіль ЖАРКО, намеснік прэм'ер-міністра:

— Мэта адна — каб новае пакаленне расло без ВІЧ/СНІДу, і ўся наша работа ў сістэме аховы здароўя, грамадскай бяспекі нацэлена на гэта. Больш за 20 гадоў мы супрацоўнічаем з ЮНЭЙДС. Сапраўды, дзякуючы іх падтрымцы краіна змагла дасягнуць высокіх вынікаў. У нас ідзе яўнае, не фармальнае, а сапраўды аб'ектыўнае зніжэнне і выяўляемасці, і смяротнасці ад СНІДу. Наша краіна першая на еўрапейскім кантыненце атрымала сертыфікат, які пацвярджае, што ў краіне спынена перадача ВІЧ/СНІДу ад маці да дзіцяці.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Сярод першых у свеце

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.