22 Верасень, субота

Вы тут

Прафсаюзы прысудзілі прэміі ў галіне працы


Прэзідыум Савета ФПБ агучыў спіс атрымальнікаў сёлетняй працоўнай прэміі з прысваеннем звання лаўрэата, уручэннем Ганаровага знака, Дыплома і грашовай узнагароды.


У намінацыі «Прамысловасць і будаўніцтва» адзначаны прадпрыемства «Івацэвічдрэў» за дасягненне высокіх паказчыкаў у сацыяльна-эканамічным развіцці арганізацыі і аўтарскі калектыў работнікаў прадпрыемства «Агат» за стварэнне нацыянальнай аўтаматызаванай сістэмы кантролю і ўліку электраэнергіі. У галіне энергетыкі, транспарту і сувязі прэміі прысудзілі намесніку начальніка гомельскага аддзялення Беларускай чыгункі Валерыю Каймовічу і калектыву Белтэлекама.

Сярод работнікаў жыллёва-камунальнай гаспадаркі, бытавога абслугоўвання, гандлю і лёгкай прамысловасці прафсаюзы вылучылі намесніка дырэктара Магілёўскага гарадскога камунальнага ўнітарнага прадпрыемства цеплаэнергетыкі Міхаіла Краўцова і калектыў дзяржынскай швейнай фабрыкі «Эліз». Што да аграпрамысловага комплексу, то тут за высокія дасягненні ў працы ўзнагародзяць Галіну Сергіевіч, аператара машыннага даення малочна-таварнай фермы «Мархачоўшчына» №2 прадпрыемства «Вішнявецкі-агра» Сталбцоўскага раёна.

У намінацыі «сацыяльная сфера» прэмію прысудзілі аўтарскаму калектыву РНПЦ анкалогіі і медыцынскай радыялогіі імя Н. Н. Аляксандрава (за распрацоўку і ўкараненне новых метадаў дыягностыкі і лячэння анкалагічных захворванняў) і дацэнту кафедры сацыяльнай работы, кіравання і сацыяльнага права мінскага філіяла Расійскага дзяржаўнага сацыяльнага ўніверсітэта Валянціне Аберган. У хімічнай, горнай і нафтавай галіне прамысловасці адзначаны аўтарскі калектыў навукова-практычнага цэнтра прадпрыемства «Полацк-Шкловалакно». За значны ўклад у развіццё сацыяльнага партнёрства ўзнагародзяць дырэктараў і старшынь прафсаюзных «пярвічак» Барысаўскага завода медыцынскіх прэпаратаў, Магілёўаблгаза і прадпрыемства «Гастэлаўскае» (Мінскі раён).

Урачыстая цырымонія ўручэння прэмій пройдзе 1 мая.

Наталля ЛУБНЕЎСКАЯ

lubneuskaya@zvіazda.by

Загаловак у газеце: За высокія дасягненні

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.