З 18 па 21 красавіка сталічны Футбольны манеж ператворыцца ў царства найноўшых тэхналогій. Ён прыме міжнародны спецыялізаваны форум па тэлекамунікацыях, інфармацыйных і банкаўскіх тэхналогіях «ТІBО-2017».
Лейтматывам форуму вызначана лічбавае пераўтварэнне эканомікі, дзяржаўнага кіравання, аховы здароўя, адукацыі, сацыяльнага забеспячэння. Гэта немагчыма зрабіць без інтэрнэту рэчаў, найноўшых воблачных і мабільных тэхналогій.
— На калектыўным стэндзе Міністэрства сувязі і інфарматызацыі Беларусі прадэманструе дасягнуты ўзровень і перспектывы электроннага ўрада, — паведаміла памочнік міністра Наталля Аляшкевіч. — Яго паслугі мы прадставім па кірунках «дзяржава — дзяржава», «дзяржава — бізнес» і «дзяржава — грамадзянін».
На «ТІBО-2017» наведнікі змогуць пабачыць апошнія тэхналагічныя рашэнні як найбуйнейшых беларускіх тэлекамунікацыйных аператараў (РУП «Белтэлекам», СТАА «МТС», УП «Велком», ЗАТ «БеСТ», СТАА «Беларускія воблачныя тэхналогіі»), так і сусветных кампаній, сярод якіх Huаwеі, ZTЕ, Сhіnе Tеlесоm, Dеutsсhе Tеlеkоm, SАР... Яны ўжо пранікаюць у наш паўсядзённы побыт, прычым укараняюцца ў самых розных сферах. Гэта і канцэпцыі «разумнага дома» і «разумнага горада», і сельская гаспадарка, і банкаўскі сектар, і прамысловасць, і адукацыя.
На экспазіцыі выстаўкі размесцяцца калектыўныя стэнды Дзяржаўнага камітэта па навуцы і тэхналогіях, Мінскага гарадскога выканаўчага камітэта, Міністэрства прамысловасці, Парка высокіх тэхналогій. Дасягненні ў лічбавай галіне пакажуць таксама Азербайджан, Літва, Латвія.
А вось БДУ на сваім стэндзе прэзентуе спецыяльны выпрабавальны цэнтр, з дапамогай якога можна будзе тэсціраваць сістэмы і матэрыялы на стомленасць і знос. На практыцы ён дазволіць, напрыклад, ацаніць ступень пашкоджанасці грунту ў наваколлі шахтаў, размеркаваць нагрузку ў зубасківічнай сістэме чалавека.
Валяр'ян ШКЛЕННІК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».