23 студзеня, аўторак

Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра поспех беларускай спартсменкі на прэстыжным ультрамарафоне, развязку баскетбольнага чэмпіянату краіны і вынікі трэцяга тура футбольнага першынства Беларусі.


1. Марына Даманцэвіч стала пераможцай аднаго з самых знакамітых ультрамарафонаў у свеце «Два акіяны», які праходзіць у паўднёваафрыканскім Кейптаўне. Дыстанцыю 56 кіламетраў на трасе паміж Індыйскім і Атлантычным акіянамі беларуска пераадолела за 3 гадзіны 37 хвілін.


2. У чэмпіянаце краіны па футболе адбыліся матчы 3-га тура ў вышэйшай лізе. Наваполацкі «Нафтан» унічыю згуляў з «Віцебскам» — 0:0, футбалісты брэсцкага «Дынама» і барысаўскага БАТЭ таксама не выявілі пераможцу — 1:1. Салігорскі «Шахцёр» у гасцях перайграў «Мінск» — 1:0. Першае паражэнне пацярпеў «Слуцк», які прайграў у Гродне мясцоваму «Нёману» з лікам 1:2. З аднолькавымі лічбамі на табло — 2:0 — скончыліся матчы «Гомеля» з мазырскай «Славіяй» і «Гарадзеі» з «Іслаччу». Магілёўскі «Днепр» перайграў «Крумкачоў» — 2:1, а «Тарпеда-БелАЗ» з мінімальным лікам перамог сталічнае «Дынама» — 1:0.

Пасля трох тураў наперадзе «Шахцёр» і «Нёман», якія набралі па 7 ачкоў. На 1 бал менш у мінскага «Дынама», «Слуцка», «Тарпеда-БелАЗ» і «Дняпра».


3. Баскетбалісты «Цмокі-Мінск» перамаглі «Ніжні Ноўгарад» у заключным дамашнім матчы Адзінай лігі ВТБ — 77:52. Адзначым, што гэта першая вікторыя на чале з Аляксандрам Круцікавым. У 23 праведзеных сустрэчах мінскія «Цмокі» атрымалі 5 перамог і займаюць цяпер 12-е месца сярод 13 удзельнікаў «банкаўскага» турніру. Свой заключны паядынак «Цмокі» правядуць 23 красавіка ў гасцях у краснадарскага клуба «Лакаматыў-Кубань».

Тым часам жаночая каманда «Цмокі-Мінск» стала чэмпіёнам Беларусі. У трэцім паядынку фінальнай серыі за залатыя медалі дзяўчаты перайгралі саперніц з «Гарызонта» — 60:55. У дзвюх папярэдніх сустрэчах яны таксама былі мацнейшыя — 71:56 і 66:53.

У барацьбе за бронзавыя ўзнагароды поспеху дабілася гродзенская «Алімпія», якая выйграла серыю за 3-е месца ў саперніц з клуба «Гомель-Сож».


4. Беларуская тэнісістка Вольга Гаварцова стала пераможцай турніру ў амерыканскай Індыян Харбар Біч (прызавы фонд — $80 тыс.). У вырашальным паядынку яна перамагла прадстаўніцу ЗША Аманду Анісімаву — 6:3, 4:6, 6:3.

Яшчэ адна беларуска, Аляксандра Сасновіч, якая дайшла да паўфіналу прэстыжнага турніру ў швейцарскім Біле, увайшла ў першую сотню сусветнага рэйтынга, падняўшыся з 108-й на 96-ю пазіцыю. Палепшылі свае радкі ў рэйтынгу WTА яшчэ дзве беларускія тэнісісткі: Арына Сабаленка займае цяпер 125-е месца, Вера Лапко знаходзіцца на 241-м радку.


5. Беларускія хакеісты саступілі зборнай Германіі ў матчы Еўрапейскага хакейнага выкліку ў Бабруйску — 1:2. Адзіная шайба ў нашай камандзе на рахунку Андрэя Касціцына. Нагадаем, у першым матчы Еўравыкліку ў Жлобіне зборная Беларусі была мацнейшая за Германію — 3:1.

Падрыхтоўку да чэмпіянату свету каманда пад кіраўніцтвам Дэйва Льюіса працягне на наступным тыдні, 21 і 22 красавіка нашы хакеісты згуляюць у Гродне са зборнай Швецыі.

Дар'я ЛАБАЖЭВІЧ

lobazhevich@zviazda.by

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.