18 красавіка ў Беларускім дзяржаўным эканамічным універсітэце адбудзецца паўфінал і фінал Першай міжуніверсітэцкай алімпіяды па дзелавой англійскай мове. Удзел у заключным туры інтэлектуальных спаборніцтваў возьмуць 70 студэнтаў, якія навучаюцца ў БДЭУ, БДУ, БДТУ і БелДУТ, з узроўнем валодання англійскай мовай не ніжэй за В2 і С1 у адпаведнасці з Агульнаеўрапейскай шкалой моўнай кампетэнцыі.
Алімпіяда будзе садзейнічаць папулярызацыі дзелавой англійскай мовы ў нашай краіне. Яе арганізатарам выступіў Цэнтр міжкультурнай бізнес-камунікацыі пры кафедры дзелавой англійскай мовы факультэта міжнародных бізнэс-камунікацый БДЭУ.
Заданні алімпіяды скіраваны на праверку ўменняў і навыкаў чытання, маўлення, аўдзіравання і пісьма ў фармаце Кембрыджскага іспыту па дзелавой англійскай мове BEC (Vantage) і ВЕС (Higher).
Першы тур алімпіяды адбыўся непасрэдна на базе ВНУ. Студэнты, якія падалі электронныя заяўкі, выконвалі заданні па чытанні, плюс ім прапаноўваліся пісьмовыя заданні. Удзельнікі з найлепшымі вынікамі прайшлі ў наступны тур.
Другі тур алімпіяды ўключае паўфінал і фінал і пройдзе 18 красавіка на базе БДЭУ. Удзельнікі, дапушчаныя да другога тура, выканаюць заданні па аўдзіраванню (у паўфінале ) і маўленні (у фінале). Журы вызначыць пераможцаў па найбольшай колькасці балаў, атрыманых пры выкананні заданняў. Пераможцы і ўдзельнікі алімпіяды будуць узнагароджаны сертыфікатамі і падарункамі ад БДЭУ і крамы замежнай літаратуры ТАА “Лексіс”.
Надзея НІКАЛАЕВА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».