20 Люты, аўторак

Вы тут

Рамесніцтва як спосаб захавання ідэнтычнасці


Аказваецца, калекцыйныя званочкі можна апрануць у самае рознае беларускае адзенне. Бо калінкавіцкі строй адрозніваецца ад рэчыцкага, а ваўкавыскі ад неглюбскага. Вось і званочкі, якія стварыла пераможца першага адкрытага конкурсу «Гомельскі сувенір» сярод рамеснікаў Вольга Жарнасек, можна пазнаць па пэўных элементах адзення. Яе «Рэчыцкія палешукі» забяспечылі не толькі радасць перамогі, але і вялікі заказ на выкананне аналагічных гліняных лялечак-званочкаў.


Пе­ра­мож­ца кон­кур­су  Воль­га Жар­на­сек.

У лік пераможцаў конкурсу яшчэ ўвайшлі работы з бяросты «Лебядзіная сажалка» Ірыны Кротавай і «Тканы пояс» Мікалая Сушкова. Аддзяленне гандлёва-прамысловай палаты мэтанакіравана закупіць сувенірныя вырабы пераможцаў з наступным уручэннем іх замежным дэлегацыям, якія наведваюць абласны цэнтр.

Беларускасць і нацыянальны каларыт былі галоўнымі ўмовамі конкурсу. Прадстаўленая сувенірная прадукцыя павінна была мець элементы сімволікі, брэндавых знакаў і славутасцяў Гомельскай вобласці.

Не ўсе з майстроў-удзельнікаў зразумелі гэты акцэнт, адзначае прэс-сакратар гомельскага абласнога аддзялення Беларускай гандлёва-прамысловай палаты Ірына Такоева:

— Конкурс сярод рамеснікаў і майстроў дэкаратыўна-прыкладной творчасці не зусім апраўдаў чаканні арганізатараў. Меркавалася, што ахвотных сябе паказаць і на работы іншых паглядзець будзе куды больш. Магчыма, многіх спужала, што мы папрасілі адзін экзэмпляр аўтарскіх работ з мэтай іх экспаніраваць і такім чынам прапагандаваць майстроў. Нам актыўна дапамагалі СМІ ў прасоўванні і рэкламаванні гэтага конкурсу. Але ж большасць рамеснікаў не палічылі неабходным заняцца рэкламаваннем ні сваёй дзейнасці, ні нашага нацыянальнага каларыту. Пры гэтым асноўным прызам стала магчымасць гадавога бясплатнага ўдзелу ва ўсіх выстаўках і кірмашах, якія праводзяцца арганізацыяй, і іншыя шырокія магчымасці прадстаўляць свае вырабы на выстаўках, у тым ліку за мяжой. Дарэчы, такіх мерапрыемстваў сёлета будзе дзесяць. Што датычыцца заказаў на прадукцыю пераможцаў — гэта толькі пачатак. Мы спадзяёмся на доўгае і плённае супрацоўніцтва з аўтарамі.

Гандлёва-прамысловая палата ў апошнія гады планамерна падтрымлівае рамесніцтва ў рэгіёне. Для гэтага праводзяцца семінары, аказваецца дапамога ў наладжванні рэкламнай дзейнасці. Штогод падчас буйнога рэгіянальнага кірмаша-выстаўкі «Вясна ў Гомелі» па ініцыятыве ГПП праводзіцца свята майстроў і рамеснікаў, у якім удзельнічаюць дзве сотні чалавек з усёй Беларусі.

Арганізацыя і надалей плануе падтрымліваць самабытных майстроў, бо развіццё інстытута рамесніцтва — адзін са шляхоў рашэння праблемы занятасці насельніцтва і атрымання людзьмі стабільнага прыбытку. Акрамя таго, вырабы рамеснікаў усё ж могуць стаць спосабам захавання ідэнтычнасці, багатай і разнастайнай гістарычнай спадчыны беларусаў. Калі мы хочам, каб пра нас ведалі ў свеце, неабходна ствараць сувеніры з сапраўдным беларускім тварам, які адпавядае фальклорнай, этнаграфічнай, экалагічнай, падзейнай, турыстычнай тэматыцы кожнага асобнага рэгіёна нашай краіны.

Ірына АСТАШКЕВІЧ

іost@zvіazda.by

Загаловак у газеце: Хто не спрабуе — той не выйграе

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?