19 Верасень, серада

Вы тут

Нечаканы красавіцкі снег не паўплываў на працу энергетыкаў


Нечаканы красавіцкі снег, моцны вецер і аранжавы ўзровень небяспекі не паўплывалі на працу энергетыкаў. Нягледзячы на анамальна нізкую тэмпературу і шэраг метэаралагічных рэкордаў асноўная сетка энергасістэмы краіны годна вытрымала экзамен.


Як паведамляюць у ДВА «Белэнерга», усе пашкоджанні ў размеркавальных сетках ліквідаваліся аператыўна. Усяго з раніцы 16 па раніцу 17 красавіка намаганнямі брыгад было адноўлена энергазабеспячэнне каля 180 населеных пунктаў па ўсёй краіне (у пераважнай большасці з іх пражывае менш за 50 чалавек). «Дзякуючы своечасовай падрыхтоўцы тэхнікі, матэрыялаў і рэгулярным трэніроўкам персаналу большасць пашкоджанняў у размеркавальных сетках ліквідуецца за 1,5—2 гадзіны, пры надзвычай цяжкіх умовах надвор'я і вялікай колькасці адначасовых пашкоджанняў гэты час можа павялічвацца. Непагадзь парушыла працу ўсяго 38 ліній 6—10 кВт», — інфармуюць у вытворчым аб'яднанні.

Аналагічная сітуацыя і з надзвычайнымі здарэннямі — пра звязаныя з непагаддзю сітуацыі не паведамлялася, тое самае датычыцца і ДТЗ. Тым не менш ДАІ настойліва рэкамендуе кіроўцам, якія ўжо замянілі зімнюю гуму на летнюю, устрымацца ад паездак, асабліва ў ранішні час, калі тэмпература апускаецца ніжэй за нуль.

Яраслаў ЛЫСКАВЕЦ

lyskavets@zvіazda.by

Загаловак у газеце: Рэкорды ёсць, праблем — няма

Дадаць каментар

Выбар рэдакцыі

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.