Вы тут

Арганізатары Мінскага паўмарафону чакаюць каля 30 тысяч удзельнікаў


Забег пройдзе ў нядзелю, 10 верасня, у дні святкавання 950-годдзя сталіцы. Рэгістрацыя ўжо пачалася, прайсці яе можна на сайце mіnskhаlfmаrаthоn.bу.


Сёлета аматараў бегу чакае шэраг новаўвядзенняў. Па-першае, плануецца зрабіць асобны старт для ўдзельнікаў на 21 км, 10 км і 5,5 км, каб пазбегнуць вялікай колькасці людзей і выканаць міжнародныя правілы. Акрамя таго, дыстанцыя у 5,5 км некалькі зменіць свой маршрут, старт будзе дадзены каля Палаца спорту, забег пройдзе па вуліцы Леніна з паваротам каля ГУМа, праспекце Незалежнасці з паваротам каля цырка на вуліцу Янкі Купалы. Затым удзельнікі прабягуць па вуліцы Старажоўскай, праспекце Машэрава і Пераможцаў.

Першы намеснік кіраўніка Адміністрацыі Прэзідэнта, першы віцэ-прэзідэнт Нацыянальнага алімпійскага камітэта Максім Рыжанкоў — ужо вопытны ўдзельнік Мінскага паўмарафона, заклікаў і сваіх калег далучыцца да забегу, а таксама адзначыў, што з простых спаборніцтваў, паўмарафон ужо ператварыўся ў прыгожае гарадское шоу.

— Яшчэ два гады таму мы не былі ўпэўнены, ці атрымаецца правесці ўсё на высокім узроўні. А сёння для мяне вялікая радасць, што мы працягваем гэтую традыцыю, — сказаў ён.

Прызавы фонд Мінскага паўмарафона будзе не меншы за леташні, які склаў 25 тысяч долараў.

З улікам бязвізавага 5-дзённага рэжыму пры ўездзе праз Нацыянальны аэрапорт і бясплатнай візе ўдзельнікам паўмарафону, чакаецца, што на трасе больш стане не толькі беларусаў, але і замежных гасцей.

Старшыня Мінскага гарвыканкама Андрэй Шорац падкрэсліў, што паўмарафон сёлета стане адным з асноўных мерапрыемстваў падчас святкавання 950-годдзя горада. Адзначым таксама, што маштабны забег атрымаў ад Міжнароднай федэрацыі лёгкай атлетыкі бронзавы статус сусветнага рэйтынга марафонаў і паўмарафонаў (Rоаd rасе brоnzе lаbеl). У 2015 годзе ў ім удзельнічала 16 тысяч чалавек з 36 краін, у 2016 годзе колькасць павялічылася да 20 тысяч удзельнікаў з 42 краін.

Дар'я ЛАБАЖЭВІЧ

Дадаць каментар

Выбар рэдакцыі

Грамадства

Каля 30% грыбоў з леташніх рынкаў ужываць у ежу было нельга

Каля 30% грыбоў з леташніх рынкаў ужываць у ежу было нельга

Будзьце пільныя ў дачыненні да таго, што і як ясце, іначай проста не пазбегнуць непрыемнасцяў. 

Эканоміка

Наколькі лёгка знайсці кватэру ў сталіцы за дзень?

Наколькі лёгка знайсці кватэру ў сталіцы за дзень?

Не за гарамі верасень з традыцыйным «студэнцкім бумам», а гэта азначае, што рынак арэнднага жылля чакае рух.

Грамадства

У Бешанковічах адкрылі навукова-вытворчы комплекс «Націвіта»

У Бешанковічах адкрылі навукова-вытворчы комплекс «Націвіта»

Такой вытворчасці няма больш нідзе ў нашай краіне. 

Калейдаскоп

Парады для беларускіх аматараў жанру Stand-up

Парады для беларускіх аматараў жанру Stand-up

Гумарыстычнымі праграмамі ў жанры stand-up сёння не здзівіш еўрапейскага, расійскага і ўкраінскага тэлегледача.