24 Верасень, панядзелак

Вы тут

Белдзяржуніверсітэт далучыцца да Міжнароднай акцыі «Бібліяноч»


Яе дзеянні разгорнуцца з 19.00 да 23.00 на базе Інстытута журналістыкі БДУ (вул. Кальварыйская, 9) 21 красавіка.


У гэтым годзе акцыя “Бібліяноч” пройдзе пад дрэс-кодам  50-х гадоў. Наведвальнікі павінны прыйсці ў вопратцы стыляг, з адпаведнай прычоскай, макіяжам або з тэматычнымі аксэсуарамі.

У медыятэцы Фундаментальнай бібліятэкі будуць арганізаваны адразу некалькі мерапрыемстваў, вытрыманых у стылі тых гадоў. Яркай падзеяй стане сустрэча ў літаратурна-музычным салоне “Кактэйль-Хол на Кальварыйскай” з членамі Клуба аматараў мастацкага слова “Клумба” БДУ. Менавіта тут наведвальнікі пачуюць мелодыі рок-н-ролу, што льюцца з сапраўдных рарытэтных вінілавых пласцінак. Выступленні маладых паэтаў  будуць суправаджаць “жывыя” імправізацыі саксафаніста.

У зале арганізуюць і іншыя інтэрактыўныя пляцоўкі, якія адпавядаюць  заяўленай тэме. Майстар-клас “Стыльны аранжавы гальштук” правядуць  харэографы некалькі танцавальных школ: “Арэлі", "Ліндзі-хоп” і “Свінг”. Папулярныя ў тыя гады танцавальныя нумары джайв, факстрот, рок-н-рол, бугі-вугі, слоу-фокс, танга, твіст прадэманструюць актывісты Творчага саюза БДУ.

У салоне прыгажосці  “Каляровы настрой” прафесіяналы-візажысты дапамогуць наведвальнікам бібліятэкі стварыць стыльны і непаўторны вобраз, а ў Game-зоне будуць арганізаваны гульні, якія дапамогуць прасякнуцца атмасферай тых гадоў. “Наваяўленыя стылягі” змогуць завітаць  у рэтра-фотастудыю ці сэлфі-зону. Незабыўныя стоп-кадры ім дапамогуць зрабіць вясёлыя артысты творчай студыі “МіМ-BSU” і спецыялісты-грымёры студыі “Аквагрым”.

Свята працягне шоў модніц і моднікаў у антуражы 50-х гадоў. На чырвонай дарожцы адбудзецца паказ калекцыі ад “Fashion Style”. Мадэлі прадставяць ўдзельніцы подыум-школы “Млын моды”.  Акрамя таго, кожны з прысутных “стыляг” зможа прайсціся па праславутай чырвонай дарожцы.

Завершыцца мерапрыемства танцавальным флэш-мобам. Уваход на мерапрыемства свабодны.

Даведка:

“Бібліяноч” — гэта найбуйнейшая акцыя ў падтрымку чытання, якая адначасова праходзіць на больш чым 2000 пляцоўках у Расіі, Украіне і Беларусі. Падчас акцыі бібліятэкі, кніжныя крамы, літаратурныя музеі падаўжаюць час сваёй  работы.

У Расіі акцыя ўпершыню была праведзена ў 2012 годзе. Яе арганізатарам выступіла Міністэрства культуры Расійскай ФедэрацыіПершая “Бібліяноч” прайшла з 20 на 21 красавіка. Выбар даты быў прымеркаваны да Сусветнага дня кнігі і аўтарскага права, які святкуюць 23 красавіка. З таго часу кожны год акцыя праводзіцца напрыканцы трэцяй чвэрці красавіка.

Беларусь далучылася да Міжнароднай акцыі “Бібліяноч” у 2015-м. Сёлета пра свой намер у ёй удзельнічаць заявілі сем сталічных бібліятэк.

Надзея НІКАЛАЕВА 

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.