Вы тут

“Паказальныя выступленні” будучых юрыстаў у ЗША прайшлі на “выдатна”


Каманда студэнтаў факультэта міжнародных адносін БДУ заняла першае месца ў намінацыі “Паказальныя выступленні" на Міжнародным конкурсе па міжнародным праве імя Філіпа Джэсапа (Jessup International Law Moot Court Competition). Вынікі прэстыжнага інтэлектуальнага спаборніцтва падвялі ў Вашынгтоне.


Фота: fir.bsu.by

У склад каманды ФМА увайшлі трэцякурсніца Ліліт Ерыціян і чацвёртакурсніцы Маргарыта Змачынская, Лізавета Чаканава і Дар'я Богдан. У намінацыі “Паказальныя выступленні”  акрамя каманды-пераможцы вызначаліся таксама лепшы прамоўца і лепшая пісьмовая пазіцыя. У прамоўніцкім мастацтве лідарам прызнана студэнтка БДУ Дар'я Богдан.

Нашы суайчынніцы спаборнічалі ў сваёй катэгорыі са зборнымі з 17 краін. “Залатое” выступленне беларусак дазволіла ім абысці студэнтаў з Парыжскага ўніверсітэта Сарбоны (Францыя), Універсітэта Вероны (Італія), Вроцлаўскага ўніверсітэта (Польшча), Кіеўскага ўніверсітэта імя Тараса Шаўчэнкі і іншых.

Конкурс праходзіць па гульнявой мадэлі судовага разбірацельства ў Міжнародным судзе ААН. Вучэбная справа тычылася справядлівага выкарыстання водных рэсурсаў, права на ваду і адказнасці за яго парушэнне, а таксама абароны культурных каштоўнасцяў.

Усяго ў ЗША выступілі студэнты з універсітэтаў больш чым з 90 краін свету.

Адзначым, што ў мінулым годзе студэнткі ФМА БДУ занялі на Міжнародным конкурсе па міжнародным праве імя Джэсапа другое месца ў намінацыі “Пісьмовае выкладанне прававой аргументацыі”.

Даведка:

Конкурс па міжнародным праве імя Філіпа Джэсапа быў заснаваны ў 1957 годзе. Гэта самае прэстыжнае ў свеце спаборніцтва па міжнародным публічным праве, свайго роду “алімпійскія гульні” для будучых юрыстаў. У конкурсе штогод удзельнічае каля 2 000 студэнтаў з больш чым 550 універсітэтаў. У 2017 годзе ўдзел у ім узялі студэнты з універсітэтаў больш чым 90 краін. Пераможцамі конкурсу ў розныя гады станавіліся прадстаўнікі Індыі, Расіі, Аўстраліі, Калумбіі, Паўднёвай Афрыкі, Сінгапура, Філіпін, Вялікабрытаніі і ЗША.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.