Вы тут

У Рэчыцы адкрыўся завод сінтэтычных смол


У Рэчыцы адкрыўся завод сінтэтычных смол. На новым прадпрыемстве атрымалі работу 50 мясцовых жыхароў. Гэты праект — частка дзяржпраграмы мадэрнізацыі дрэваапрацоўкі.


Сінтэтычная смала — самы важны кампанент у вытворчасці вырабаў з дрэва: драўняных пліт і фанеры. Вытворцы мэблі раней куплялі смолы за мяжой, цяпер на новым заводзе змогуць варыць да трох тысяч тон у месяц — адразу па некалькіх рэцэптах. У тым ліку рыхтуюцца атрымліваць нізкатаксічныя і вільгацеўстойлівыя смолы. Вытворчасць цалкам аўтаматызаваная.

Прадукцыя новага завода, які з'яўляецца філіялам кампаніі «Рэчыцадрэў», ужо паступіла на мясцовыя прадпрыемствы дрэваапрацоўкі і прайшла выпрабаванні. Партнёры заўважаюць, што пры гэтым рэзка ўзмацнілася трываласць фанеры. Уласцівасці рэчыцкай смалы хутка змогуць ацаніць і за межамі Беларусі: падпісаны кантракты з мэблевымі прадпрыемствамі Расіі і Украіны.

Маладых спецыялістаў на новы завод бралі з гарадской біржы працы, гаворыць генеральны дырэктар прадпрыемства «Рэчыцадрэў» Валерый Тулейка:

— Раней вялікая была цякучасць кадраў, сёння сітуацыя стабілізавалася, я вельмі рады, што мы спецыялістаў знайшлі проста ў Рэчыцы, не прыйшлося нікога клікаць сюды з іншых месцаў.

Увогуле ж маштабная мадэрнізацыя і запуск новых ліній дазволілі рэчыцкаму прадпрыемству эканоміць да 20% валютных сродкаў. Плануецца, што ўжо сёлета кампанія выйдзе на прыбытковую работу, што дазволіць павялічыць заработную плату і дадаткова пашырыць штат.

Ірына АСТАШКЕВІЧ

іоst@zvіаzdа.bу

Загаловак у газеце: Імпарт — замяшчаецца, працоўныя месцы — ствараюцца

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.