— Падчас юбілейнага, дзясятага, пасяджэння Ваеннага камітэта АДКБ разгледжана пяць ключавых пытанняў, — зазначыў начальнік Генеральнага штаба Узброеных Сіл — першы намеснік міністра абароны Беларусі генерал-маёр Алег БЕЛАКОНЕЎ. — Некаторыя з іх датычацца ўнутранага характару: спрашчэнне працэдур пералётаў і стварэнне пэўных органаў для хутчэйшага вырашэння пытанняў у межах гэтай арганізацыі.
Акрамя таго, згодна з рашэннем Ваеннага камітэта, у інтарэсах дзяржаў — членаў АДКБ будзе наладжана падрыхтоўка ваенных кадраў у сістэме супрацьпаветранай абароны. Навучанне будзе весціся ў Ваеннай акадэміі паветрана-касмічнай абароны імя Маршала Савецкага Саюза Г. К. Жукава, а таксама ў Ваеннай акадэміі Рэспублікі Беларусь.
Як заявіў начальнік Аб'яднанага штаба АДКБ генерал-палкоўнік Анатоль СІДАРАЎ, падчас пасяджэння ўзнімаліся прынцыповыя пытанні. «Мяне радуе тое, што яны знайшлі падтрымку, разуменне і будуць служыць умацаванню ваеннага складніка Арганізацыі Дагавора аб калектыўнай бяспецы», — падкрэсліў начальнік Аб'яднанага штаба АДКБ.
Вераніка КАНЮТА
Фота БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».