17 Жнівень, чацвер

Вы тут

Што цікавага паглядзець па тэлебачанні на наступным тыдні


Што: «Асноўны інстынкт»

Калі і дзе: 8 канал, 26 красавіка ў 21.05

За даўнасцю гадоў — а сёлета дэтэктыўнаму трылеру рэжысёра Пола Верховена споўнілася чвэрць стагоддзя — мала хто падрабязна перакажа сюжэт фільма, затое практычна кожны памятае эратычную пластыку Шэран Стоўн, якая менавіта пасля выхаду гэтай карціны стала секс-сімвалам Амерыкі.

Дэтэктыў Нік Карэн вядзе расследаванне забойства на сексуальнай глебе. Галоўная падазроная ў гэтай справе — сяброўка забітага, пісьменніца Кэтрын Трэмел, у апошняй кнізе якой падрабязна апісана аналагічнае злачынства, а сама жанчына валодае неверагодным магнетызмам і ўласцівасцю маніпуляваць мужчынамі.


Што: «Авіятар»

Калі і дзе: ТБ3, 27 красавіка ў 0.25

Біяграфічная драма Марціна Скарсезэ ў 2004 годзе намінавалася ажно на 11 «Оскараў», але атрымала толькі 5. І яшчэ амаль дзясятак прэстыжных кінаўзнагарод, з якіх выканаўцу галоўная ролі Леанарда Ды Капрыа дасталася толькі адна — «Залаты глобус».

Хто ў цэнтры аповеду, наскрозь прасякнутага рэтра-атмасферай пачатку ХХ стагоддзя? Эксцэнтрычны і непрадказальны мільярдэр, адзін з «найвялікшых каханкаў Амерыкі» і ўлюбёнец самых шыкоўных жанчын, які з цягам часу набыў не толькі фізічныя, але і душэўныя траўмы, нават скрозь прызму складанага дыягназу не страціў галоўнае — сэнс жыцця...


Што: «Д'Артаньян і тры мушкецёры»

Калі і дзе: МІР, 30 красавіка ў 15.35

Гаворым «Георгій Юнгвальд-Хількевіч» — маем на ўвазе, магчыма, найлепшую экранізацыю прыгодніцкага рамана Дзюма, кажам «Адзін за ўсіх...» — і дасведчаныя людзі падхопліваюць, як пароль — «усе за аднаго!».

...Чацвёра сяброў-мушкецёраў, сярод якіх арыстакрат, без пяці хвілін святар, жыццярадасны «афіцэр кухні» і зусім юны гасконец, воляй лёсу аказваюцца ўцягнутымі ў палітычныя гульні манаршых асоб, выратоўваюць ад ганьбы каралеву Францыі, у перапынках паміж бітвамі абыходзяць пасткі, расстаўленыя ворагамі, і перайграюць вопытнага інтрыгана кардынала Рышэлье і каварную мілэдзі. Больш падрабязна пераказваць змест трохсерыйнага музычнага фільма няма сэнсу, бо гэта якраз той выпадак, калі лепш адзін раз убачыць і пачуць.

Загаловак у газеце: Куміры і прыхільнікі

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.