23 студзеня, аўторак

Вы тут

Як будзе дзейнічаць сістэма маніторынгу грамадскай бяспекі ў Беларусі


Міністр унутраных спраў Ігар Шуневіч сёння растлумачыў, якім чынам будзе дзейнічаць у Беларусі рэспубліканская сістэма маніторынгу грамадскай бяспекі.


Па словах кіраўніка ведамства, каардынаваць працу сістэмы маніторынгу будзе МУС. Яна аб'яднае камеры і спецыяльныя дэтэктары па ўсёй краіне, тым самым дазволіць павялічыць магчымасці адпаведных структур па забеспячэнні грамадскай бяспекі і аператыўным рэагаванні на рознага роду негатыўныя з'явы. "Мы будзем атрымліваць сігнал аб нейкім здарэнні ў цэнтр і перадаваць яго непасрэдна выканаўцу - напрыклад, у райаддзел МУС, МНС або ў хуткую дапамогу", - заўважыў Ігар Шуневіч.

У ідэале сістэма маніторынгу выглядае наступным чынам: у цэнтральным апараце сканцэнтраваны ўсе дзяжурныя службы органаў, якія забяспечваюць грамадскую бяспеку і жыццядзейнасць людзей. Напрыклад, там знаходзяцца дзяжурныя службы МУС, МНС, Камітэта дзяржбяспекі, хуткай дапамогі. Пры гэтым існуе глабальная сістэма відэаманіторынгу грамадскай бяспекі па ўсёй краіне. Дадзеныя з відэакамер сцякаюцца ў цэнтр, аператары рэгіструюць розныя правапарушэнні, надзвычайныя здарэння і перадаюць у службы на месцах інфармацыю для рэагавання. "Такая сістэма прымяняецца ў многіх краінах, мы ўжо ездзілі і глядзелі, як яна працуе. Безумоўна, гэта эканомія сіл і сродкаў, - заўважыў Ігар Шуневіч. - Але эфектыўнасць, хуткасць рэагавання павялічваецца ў разы".

На пытанне аб тым, калі ў Беларусі можа быць уведзена ў дзеянне рэспубліканская сістэма маніторынгу грамадскай бяспекі, міністр адказаць не змог, аднак удакладніў, што на яе распрацоўку і рэалізацыю спатрэбіцца ад двух да трох дет. "Сёння лакальныя сеткі ўжо працуюць, мы не на голым месцы гэтую сістэму будуем. Ужо больш за 7 тыс. аб'ектаў відэакамерамі аснашчаны, нам трэба іх у адну сетку зацыкліць і абсталяваць новымі відэакамерамі тыя аб'екты, якія трэба", - дадаў Ігар Шуневіч.

Пры гэтым, паводле яго слоў, адпадзе неабходнасць у дадатковых супрацоўніках, так як працэс будзе аўтаматызаваны.

Як паведамлялася, перспектывы стварэння ў Беларусі рэспубліканскай сістэмы маніторынгу грамадскай бяспекі абмяркоўваліся 27 сакавіка ў Прэзідэнта. Кіраўнік дзяржавы прыняў прапанову аб тым, што такая сістэма неабходная ў любой цывілізаванай дзяржаве, і даручыў дадаткова прапрацаваць шэраг аспектаў, звязаных з практычнай рэалізацыяй праекта, у тым ліку з выбарам аператара.

БЕЛТА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.