18 Чэрвень, панядзелак

Вы тут

Прэзідэнт: у вырашэнні праблем маленькіх вёсак трэба ісці ад жыцця


Пра гэта заявіў сёння Прэзідэнт Беларусі Аляксандр Лукашэнка на сумесным пасяджэнні Палаты прадстаўнікоў і Савета Рэспублікі.


У Беларусі вялікая ўвага надаецца развіццю вёскі, і ў першую чаргу аграгарадкоў, цэнтральных сядзіб гаспадарак. Што датычыцца развіцця маленькіх, так званых неперспектыўных вёсак, то падыход тут павінен быць індывідуальны, лічыць Аляксандр Лукашэнка. З нагоды закрыцця школ у невялікіх населеных пунктах Прэзідэнт адзначыў, што ў неперспектыўных вёсках школы зачыняюцца, паколькі для дзяцей важна атрымліваць добрую адукацыю. На жаль, у маленькіх школах такая магчымасць ёсць далёка не заўсёды. Але ў выпадку, калі школа зачыняецца, то дзяржава клапоціцца, каб дзеці маглі спакойна дабрацца да навучальнай установы ў іншай вёсцы, у тым ліку закупляюцца аўтобусы, якія падвозяць дзяцей на вучобу.

Прэзідэнт падкрэсліў, што гаворка ідзе не пра эканомію грошай у сувязі з закрыццём школ, а менавіта пра якасць адукацыі.

Разам з тым ён заявіў, што калі невялікая школа ўкамплектавана і там створаны добрыя ўмовы для навучання, то нельга прымаць рашэнне аб яе закрыцці. Неабходна зыходзіць з мэтазгоднасці ў кожным канкрэтным выпадку.

Тое ж самае тычыцца функцыянавання сельскіх дамоў культуры, ФАПаў.

БЕЛТА

Дадаць каментар

Выбар рэдакцыі

Грамадства

Калі адукацыя «захрасне» ва ўчарашнім дні, лічбавае грамадства не свеціць

Калі адукацыя «захрасне» ва ўчарашнім дні, лічбавае грамадства не свеціць

Лічбавая трансфармацыя — не мода і не часовая з'ява.

Грамадства

Людзей палілі ў хляве, хто выбягаў — сустракалі агнём

Людзей палілі ў хляве, хто выбягаў — сустракалі агнём

Гэтымі днямі споўнілася 75 гадоў, як знішчылі жыхароў вёсак Любель-Поль і суседняй Вулькі Гарадзішчанскай. 

Эканоміка

Выбіраем недарагі і даступны крэдыт на жыллё

Выбіраем недарагі і даступны крэдыт на жыллё

Правілы гульні ў крэдыты змяніў Нацыянальны банк краіны. 

Калейдаскоп

У Наваполацку ўпершыню прайшоў канцэрт «Песня года»

У Наваполацку ўпершыню прайшоў канцэрт «Песня года»

Музычны тэлепраект «Песня года» тэлеканал АНТ ладзіць ужо 13 гадоў, пераняўшы традыцыю ў расійскага Першага канала.