Вы тут

На 1 км берага — 1,33 кубаметра смецця


Пластыкавыя бутэлькі, пакеты, бляшанкі з-пад кансерваў, упакоўкі ад чыпсаў і нават бялізна — такі «ўлоў» валанцёраў, якія прынялі ўдзел у старце рэспубліканскай акцыі «Чысты вадаём» на Пятровіцкім вадасховішчы ў Смалявіцкім раёне. Акцыя праводзіцца Беларускім таварыствам паляўнічых і рыбаловаў ужо чацвёрты год запар.


«Свядомыя людзі прыбіраюць смецце, несвядомыя — пакідаюць яго, — падзяліўся сваімі назіраннямі старшыня БТПР Юрый Шумскі. — Вядома, што чыста там, дзе не смецяць. Але варта аднаму чалавеку выкінуць нешта на бераг вадаёма, як у яго знаходзяцца паслядоўнікі, абывацель разважае так: калі яму можна, то і мне таксама. Арганізуючы гэтую акцыю, мы стараемся прыцягнуць увагу грамадскасці, кожнага чалавека да праблемы забруджвання навакольнага асяроддзя».

Супрацоўнікі Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь таксама ўдзяляюць увагу прафілактыцы і інфармаванню насельніцтва. Начальнік Дзяржінспекцыі Сяргей Новікаў расказаў, што з адкрыццём пляжнага сезона яго супрацоўнікі ў суботу і нядзелю выязджаюць у рэйды на сацыяльна значныя вадаёмы. «Спачатку мы тлумачым людзям нормы закона, просім добраахвотна прыбраць пасля сябе смецце, і толькі калі чалавек адмаўляецца, тады штрафуем і ўжо максімальна — да 20 базавых велічынь», — растлумачыў Сяргей Новікаў.

У першы дзень акцыі «Чысты вадаём» сумеснымі намаганнямі ўсіх удзельнікаў прыведзена ў парадак каля 6 кіламетраў берагавой лініі Пятровіцкага вадасховішча, сабрана і вывезена на палігон цвёрдых камунальных адходаў больш за 8 кубічных метраў смецця.

Сёлета акцыя будзе доўжыцца да 28 красавіка. БТПР запрашае ўсіх неабыякавых да прыроды грамадзян прыняць удзел у мерапрыемствах па навядзенні парадку на берагах вадаёмаў. З графікам правядзення акцыі можна азнаёміцца на сайце таварыства.

Аксана ЯНОЎСКАЯ

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце.