У Францыі сёння праходзіць першы тур прэзідэнцкіх выбараў, паведамляюць інфармагенцтвы.
У выбарах бяруць удзел 11 кандыдатаў. У ліку фаварытаў лідар руху "На маршы" Эманюэль Макрон і лідар ультраправага "Нацыянальнага фронту" Марын Ле Пен. Па выніках апытанняў, менавіта яны маюць найбольшыя шанцы на выхад у другі тур. Змагаецца за прэзідэнцкае крэсла таксама правацэнтрыст Франсуа Фіён. Сур'ёзна падраслі ў апошні час рэйтынгі ультралевага кандыдата Жан-Люка Меляншона. Яшчэ адным лідарам з'яўляецца прадстаўнік Сацыялістычнай партыі Бенуа Амон.
Калі ніхто з іх не зможа набраць больш за 50% галасоў, пераможцу вызначыць другі тур, які пройдзе 7 мая.
У краіне адкрыта каля 67 тыс. выбарчых участкаў. Свае галасы за таго ці іншага кандыдата, як чакаецца, аддадуць больш 45 млн французаў, зарэгістраваных у спісах выбаршчыкаў.
Кіраўнік дзяржавы ў Францыі абіраецца на пяць гадоў шляхам усеагульнага прамога тайнага галасавання.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
«Мы зацікаўлены, каб да нас прыязджалі».
