У прэс-цэнтры БЕЛТА.
Група NAVIBAND (Арцём Лук'яненка і Ксенія Жук) прадставіць Беларусь на "Еўрабачанні" ў Кіеве з песняй "Гісторыя майго жыцця" на беларускай мове - упершыню за ўсю гісторыю ўдзелу краіны ў гэтым конкурсе. Завяршыўся працяглы рэпетыцыйны перыяд, прома-туры, знаёмства практычна з усімі ўдзельнікамі творчага спаборніцтва. 1 мая беларуская дэлегацыя накіруецца ва ўкраінскую сталіцу, і ўжо 3 мая спевакі правядуць першую рэпетыцыю на конкурснай сцэне.
У час анлайн-канферэнцыі Арцём Лук'яненка і Ксенія Жук раскажуць пра работу над нумарам з украінскай камандай, пра сцэнічныя вобразы, падзеляцца ўражаннямі аб падрыхтоўчым перыядзе і чаканнямі ад фінальных мерапрыемстваў маштабнага свята, якое збярэ ўдзельнікаў з 42 краін.
Падтрымаць маладых артыстаў і задаць ім пытанні можна на сайце БЕЛТА ў раздзеле "ONLINE КАНФЕРЭНЦЫЯ". Адказы будуць публікавацца 27 красавіка пасля 11.00 па меры гатоўнасці.
Мерапрыемства праводзіцца на добраахвотнай аснове.
Не выявіць ні секунды абыякавасці.