Гоншчык велаклуба "Мінск" Станіслаў Бажкоў выйграў агульны залік міжнароднай велагонкі "Тур Мэрсіна", якая прайшла ў Турцыі. Другое месца ў генеральнай класіфікацыі заняў яшчэ адзін прадстаўнік беларускай каманды Эдуард Варганаў.
Станіслаў Бажкоў перамог на першым этапе гонкі і на астатніх адрэзках змог утрымаць жоўтую майку лідара. Як адзначыў пераможца, поспех стаў магчымы дзякуючы суладнай працы гоншчыкаў "Мінска".
У выніку Станіслаў Бажкоў стаў пераможцам "Тура Мэрсіна", а таксама захаваў за сабой майку самага актыўнага гоншчыка. Эдуард Варганаў завяршыў спаборніцтвы на другой пазіцыі ў агульным заліку. Трэцім па выніках гонкі стаў казахстанец Галым Ахметаў з Astana City.
Велагоншчыкі "Мінска" удастоены таксама прыза лепшай камандзе "Тура Мэрсіна-2017".
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.