19 Верасень, серада

Вы тут

Зацверджана інструкцыя па правядзенні прафесійнай гутаркі


Інструкцыю па правядзенні гутаркі з выпускнікамі профільных класаў педагагічнай накіраванасці, якія паступаюць без экзаменаў на педагагічныя спецыяльнасці ў ВНУ, зацвердзіла Міністэрства адукацыі.


Гутарка праводзіцца з мэтай выяўлення асобасных, дзелавых якасцяў, здольнасцяў і матывацыі абітурыентаў да атрымання адукацыі па педагагічных спецыяльнасцях. Да яе дапускаюцца выпускнікі педкласаў, якія маюць у дакуменце аб адукацыі адзнакі не ніжэйшыя за 7 балаў па ўсіх вучэбных прадметах і адзнакі не ніжэйшыя за 8 балаў — па вучэбных прадметах, якія адпавядаюць прадметам профільных уступных іспытаў (пры наяўнасці рэкамендацыі педсавета ўстановы адукацыі, якую яны скончылі).

Пры гэтым абітурыент, які праходзіць гутарку, удзельнічае ў конкурсе, які па рашэнні прыёмнай камісіі ўстановы вышэйшай адукацыі можа праводзіцца па факультэце, групе факультэтаў, спецыяльнасці, групе спецыяльнасцяў. Заданні (пытанні) для правядзення гутаркі складае камісія ў адпаведнасці з вучэбнай праграмай факультатыўнага занятку «Уводзіны ў педагагічную прафесію. X—XІ класы».

Гутарка праводзіцца ў вуснай форме. Рашэнне аб яе праходжанні або непраходжанні прымаецца простай большасцю галасоў членаў камісіі. Калі абітурыент не згодны з вынікам гутаркі, ён можа падаць апеляцыю на імя старшыні камісіі ў дзень яе правядзення. Апеляцыя падлягае разгляду ў дзень яе падачы.

Надзея НІКАЛАЕВА

nіkalaeva@zvіazda.by

Загаловак у газеце: Выпрабаванне на прафпрыдатнасць для будучых педагогаў

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.