Служба аховы дзяржаўнай мяжы Літвы пачала дасудовае расследаванне ў сувязі з парушэннем літоўска-беларускай мяжы лёгкім самалётам. Такая інфармацыя размешчана на сайце літоўскай Службы аховы дзяржаўнай мяжы.
Папярэдняе расследаванне праводзіцца ў сувязі з парушэннем міжнародных правілаў палётаў і незаконным перасячэннем дзяржмяжы.
Як паведамлялася, беларускія ваенныя зафіксавалі парушэнне мяжы 19 красавіка ў 13.40. Самалёт паглыбіўся на беларускую тэрыторыю на восем кіламетраў, а праз тры хвіліны развярнуўся і пакінуў паветраную прастору краіны. Беларусь заявіла пратэст па факце парушэння дзяржмяжы Беларусі літоўскім паветраным суднам. У Міністэрства замежных спраў Беларусі 22 красавіка быў выкліканы пасол Літоўскай Рэспублікі ў Рэспубліцы Беларусь Андрус Пулокас. Падчас сустрэчы кіраўніку літоўскай дыпмісіі была ўручана нота, у якой беларускі бок заявіў пратэст у сувязі з зафіксаваным фактам парушэння Дзяржаўнай мяжы Рэспублікі Беларусь літоўскім паветраным суднам.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.