24 Верасень, панядзелак

Вы тут

Будучыня Краснапольшчыны належыць маладым


Дэлегацыя Беларускага саюза жанчын наведала Краснаполле ў рамках дабрачыннай акцыі ў памяць аб трагедыі на Чарнобыльскай АЭС.


Паездкі ў забруджаныя радыяцыяй раёны Беларусі ўжо даўно сталі для БСЖ традыцыйнымі. Яны арганізоўваюцца з мэтай прыцягнуць увагу да гарадоў і пасёлкаў, якія пачынаюць аднаўляцца праз тры дзесяцігоддзі пасля катастрофы.

У гэтым годзе адным з пунктаў "чарнобыльскага" маршруту Беларускага саюза жанчын стаў гарадскі пасёлак Краснаполле. Падчас візіту жанчыны грамадскага аб'яднання прынялі ўдзел у мітынгу-рэквіеме, які адбыўся ля помніка адселеным вёскам раёна, а таксама наведалі два дзіцячых дома сямейнага тыпу і цэнтр карэкцыйна-развіваючага навучання дзяцей-інвалідаў.

– Краснапольшчына не абдзелена фінансавай падтрымкай дзяржавы. Напрыклад, зусім нядаўна ў нашым пасёлку дзверы для наведвальнікаў адчыныніў новенькі фізкультурна-аздараўленчы комплекс з басейнам і дзіцячай аквазонай. Кошты тут досыць дэмакратычныя (2 рублі за разавае наведванне), таму прыходзяць усе: ад дзетак да пенсіянераў, - распавёў членам дэлегацыі  старшыня Краснапольскага райвыканкама Ігар Балахонаў. – Аднак хачу зазначыць, што самай вялікай каштоўнасцю для нас з’яўляюцца не грошы выдаткаваныя на аднаўленне, а простая ўвага неабыякавых людзей. Сёння важна разумець: катастрофа на ЧАЭС моцна змяніла жыццё Краснаполля, але не спыніла яго.

Па словах Алены Чаюковай, якая ўзначальвае раённую краснапольскую арганізацыю БСЖ, сёння іх пасёлак з’яўяецца месцам, якое прыцягвае немала моладзі.

– Калі першыя гады пасля катастрофы на ЧАЭС ўсе сілы Краснапольшчыны былі скіраваныя на мініманізацыю яе наступстваў, то цяпер раён пакрысе пачынае адраджацца. У 2015 годзе да нас прыехала працаваць па размеркаванні пяцьдзясят пяць маладых спецыялістаў, а сёлета – ужо на дзесяць чалавек больш. З сямідзесяці сямей раёна, якія аформілі сямейны капітал, амаль палова ўваходзіць у катэгорыю маладых. Гэтыя лічбы сведчаць толькі аб адным: у Краснапольскага краю ёсць будучыня і яна належыць маладому пакаленню.   

У пацвярджэнне слоў Алены Чаюковай для дэлегацыі БСЖ быў арганізаваны круглы стол, падчас якога ў маладых краснапальчан была магчымасць абмеркаваць з членамі дэлегацыі ўсе хвалюючыя іх пытанні. Так, моладзь не толькі размаўляла з жанчынамі грамадскага аб’яднання на сур’ёзныя тэмы (адукацыі, эканомікі, палітыкі), але і задавала пытанні асабістага характару пра поспех жанчын у мужчынскіх справах, пра пошукі залатой сярэдзіны паміж кар’ерай і сям’ёй і інш.

Ганна КУРАК

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.