Вы тут

У Любанскім раёне адкрылі спецыялізаваную спартзалу для самба і дзюдо


У Сароцкай сярэдняй школе Любанскага раёна адкрыта спецыялізаваная спартыўная зала для заняткаў самба і дзюдо. Гэта стала магчымым дзякуючы былым знакамітым выпускнікам: майстру спорту міжнароднага класа, неаднаразоваму прызёру чэмпіянатаў свету і Еўропы па самба Юрыю Сенажацкаму і прэзідэнту канцэрна «Дзіцячасельскі», што ў Ленінградскай вобласці Расіі, Юрыю Брагінцу.


— Яны тут нарадзіліся, у свой час закончылі нашу навучальную ўстанову, у вёсцы жывуць іх бацькі. Юрый Аляксандравіч і Юрый Мікалаевіч рэгулярна прыязджаюць на малую радзіму і абавязкова наведваюць школу, — расказала дырэктар Святлана Канановіч. — Яны заўсёды цікавяцца, што трэба купіць для дзяцей, іх фізічнага і інтэлектуальнага развіцця. Юрый Брагінец падарыў нам камп'ютарны клас, інтэрактыўную дошку, музычную апаратуру. Па іх ініцыятыве з лютага праходзяць майстар-класы па барацьбе. Пры фінансавай падтрымцы Юрыя Брагінца абсталявана барцоўская зала, куплены форма і інвентар. У красавіку пачала работу спартыўная секцыя групы пачатковай падрыхтоўкі па дзюдо, дзе займаецца 14 дзяцей ва ўзросце 8—12 гадоў.

Трэніруе іх настаўнік па фізічнай культуры вышэйшай кваліфікацыйнай катэгорыі, кандыдат у майстры спорту па барацьбе Міхаіл Бакан.

— У найбліжэйшых планах нашых спонсараў аказаць дапамогу па адкрыцці новых барцоўскіх залаў непасрэдна ва ўстановах адукацыі. Цяпер вызначаецца, на базе якіх школ будуць стварацца такія залы. Не выключана, што адна з іх з'явіцца ў Любанскай школе №3, — адзначыла начальнік аддзела адукацыі, спорту і турызму райвыканкама Таццяна Каравацкая.

Юныя прыхільнікі дзюдо і самба пасля групы першапачатковай падрыхтоўкі могуць адшліфоўваць сваё майстэрства ў мясцовай дзіцяча-юнацкай спартыўнай школе, дзе прыступіў да работы спецыяліст па гэтых відах адзінаборстваў.

Таццяна ЛАЗОЎСКАЯ

lazovskaya@zviazda.by

Загаловак у газеце: У падарунак — барцоўская зала

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.