Вы тут

Раім схадзіць


Выстава «Забытыя казкі», дзіцячае шоу «Маленькі прынц», лекцыя пра «Ганну Карэніну» і ColorFest – афіша «Звязды» з 1 па 7 мая.


Выстава «Забытыя казкі»

Фота: artmuseum.by

Дзе: Нацыянальны мастацкі музей (вул. Леніна, 20)

Калі: па 28 мая, 10:00-19:00

Колькі каштуе: удакладняць у касе

28 красавіка адкрылася персанальная выстава Сяргея Каваля «Забытыя казкі».

У экспазіцыі прадстаўлена каля дваццаці жывапісных твораў аўтара, якія створаны ім у асноўным на працягу апошніх некалькіх гадоў.


Дзіцячае шоу «Маленькі прынц»

Фота: vokrug.tv

Дзе: інтэрактыўны тэатр «Кропка» (пр-т Пераможцаў, 9)

Калі: 3-7 мая, 13:00, 15:00, 17:00, 18:00, 18:30

Колькі каштуе: 20 р., у выхадныя – 25 р.; дзеці да 3-х гадоў у суправаджэнні дарослага – бясплатна

Упершыню ў Беларусі «Маленькі прынц» будзе прадстаўлены ў выглядзе дзіцячага мультымедыйнага шоу.

З дапамогай унікальных дэкарацый і найноўшых тэхналогій 3D гледачы ўбачаць знакамітую гісторыю з новага ракурсу. Адным з цэнтральных элементаў дэкарацый стане самы сапраўдны самалёт: 4-метровая мадэль, пабудаваная на базе французскага «Ньюпор 17» узору 1916 года. Сфатаграфавацца з ім і пасядзець у яго кабіне пасля спектакля зможа кожны глядач.


Лекцыя Уладзіміра Капцава пра «Ганну Карэніну»

Фота: matrony.ru

Дзе: «Івэнтспэйс» (вул. Кастрычніцкая, 16а)

Калі: 5 мая, 19:00

Колькі каштуе: 7 р.

«Ганна Карэніна» – адна з самых вядомых у свеце літаратурных гісторый кахання. Класіка, якая прымушае па-новаму зірнуць на чалавечыя стасункі. 

Лекцыю прачытае кандыдат філалагічных навук, дацэнт і выкладчык БДУ Уладзімір Капцаў. Ён прапануе нечаканую інтэрпрэтацыю, паводле якой Ганна не кідалася пад цягнік, а галоўныя героі рамана, нягледзячы на назву, – два мужчыны, якіх звязвае каханне да магнетычнай жанчыны. 

Пасля лекцыі будзе абмеркаванне.


Фестываль фарбаў ColorFest 2017

Фота: vestipmr.info

Дзе: «Дрымлэнд» (вул. Арлоўская, 80)

Калі: 6-7 мая, 14:00

Колькі каштуе: уваход вольны

Тысячы людзей збяруцца разам у гэты дзень, каб акунуцца ў атмасферу свята і зноў адчуць сябе дзецьмі. Удзельнікам фестывалю не прыйдзецца турбавацца аб наступствах: натуральная фарба лёгка змываецца і абсалютна бяспечная для здароўя.

Для камфорту удзельнікаў на тэрыторыі парку будуць размешчаны фудкорт і зона адпачынку. 


Спектакль «Блакітная камея»

Дзе: Музычны тэатр (вул. Мяснікова, 44)

Калі: 7 мая, 18:00

Колькі каштуе: удакладняць у касе

Беларускі дзяржаўны акадэмічны музычны тэатр адным з першых узяўся за пастаноўку мюзікла «Блакітная камея». У сярэдзіне ліпеня 2010 года прайшоў кастынг на ролі ў будучай пастаноўцы. 

Мюзікл напісаны кампазітарам Кімам Брэйтбургам і паэтам Карэнам Кавалеранам, якія захацелі зрабіць сумесную працу.


Выстава «Чарнобыль. Погляд з сапраўднага»

Фота: chernobil.info

Дзе: Нацыянальны гістарычны музей (вул. К. Маркса, 12)

Калі: па 21 мая, 11:00-19:00

Колькі каштуе: удакладняць у касе

Выстава паказвае вынік фотаэкспедыцый Уладзіміра Вераб'я, у якіх няма індустрыяльных ландшафтаў. Увазе гледачоў прапануюцца фотазамалёўкі рахманай прыгажосці прыроды, якая пераадольвае наступствы чарнобыльскай катастрофы.


Выстава «Сула. Непарыўнае-2»

Фота: histmuseum.by

Дзе: Музей гісторыі тэатральнай і музычнай культуры (зав. Музычны, 5)

Калі: па 10 мая, 10:00-17:30

Колькі каштуе: удакладняць у касе

Выстава з’яўляецца лагічным працягам арт-праекта «Сула. Непарыўнае», які экспанаваўся ў Нацыянальным гістарычным музеі Рэспублікі Беларусь.

У гэты раз наведвальнікі атрымаюць магчымасць упершыню пазнаеміцца з чорна-белымі стужкавымі фотаздымкамі, прысвечанымі вясковаму абраду «Ваджэнне і пахаванне стралы». Эфект прысутнасці падчас абраду будзе ўзмоцнены музычным суправаджэннем калектыву «Талака» і дэманстрацыяй адмысловай дакументальнай кінастужкі. 

Абрад «Ваджэнне і пахаванне стралы» ўключаны ў Дзяржаўны спіс нематэрыяльнага праяўлення творчасці чалавека і з'яўляецца нематэрыяльнай гісторыка-культурнай каштоўнасцю Беларусі.


Выстава «Мастак і горад»

Фота: afisha.tut.by

Дзе: Плошчу Якуба Коласа (Мінск)

Калі: па 9 верасня

Колькі каштуе: бясплатна

27 красавіка на плошчы Якуба Коласа ў чарговы раз адкрыўся выяўленчы праект «Мастак і горад».

Выстава ўпрыгожвае плошчу Якуба Коласа на працягу 4 месяцаў ужо 6 гадоў запар. У гэтым годзе ў рамках трыенале сучаснага мастацтва на экспазіцыі пад адкрытым небам будуць прадстаўлены работы 35 беларускіх жывапісцаў.


Выстава-галерэя 3D-карцін

Фота: galleria-minsk.by

Дзе: ТЗЦ Galleria Minsk (пр-т Пераможцаў, 9)

Калі: па 1 чэрвеня, 10:00-22:00

Колькі каштуе: будні дзень: 5 р. – дарослыя, 3 р. – дзеці; выхадны дзень: 7 р. – дарослыя, 3 р. – дзеці

У ТЗЦ Galleria Minsk вас чакае ўнікальная калекцыя 3D-карцін, якія ажываюць пад аб'ектывам фотакамеры. Тут кожны наведвальнік становіцца не проста гледачом, а непасрэдным удзельнікам сюжэту любой карціны. Таму фотаздымка не толькі не забароненая, але і з'яўляецца неад'емнай часткай выставы-галерэі.


Выстава «Лепшыя цацкі СССР»

Фота: livejournal.com

Дзе: Гарадская мастацкая галерэя Л. Шчамялёва (вул. Рэвалюцыйная, 10)

Калі: па 5 мая, сер.-нядз.: 11:00-19:00

Колькі каштуе: удакладняць у касе

На выставе прадстаўлены савецкія цацкі перыяду 1950-1980-х гг., якія былі сабраныя на працягу апошняга дзесяцігоддзя гродзенскімі калекцыянерамі Уладзімірам Груцкім і Алегам Яршом.

У цэнтры ўвагі мара любога савецкага хлапчука – педальная машынка, якая давала магчымасць пракаціцца на амаль сапраўдным аднамесным аўтамабілі з рабочымі фарамі і рулявым кіраваннем. Тут жа і іншы папулярны дзіцячы транспарт – педальны конь, матаролер, двух-і трохколавыя ровары. Сярод савецкіх цацак для хлопчыкаў – жалезныя танкі, машынкі і самалёцікі, месяцаход і касмалёт.

Самым жаданым падарункам для дзяўчынак заўсёды была лялька. Акрамя таго, спадарожнікамі не аднаго пакалення савецкіх дзяўчат былі плюшавыя мядзведзі, малюсенькія пупсы, неваляшкі ўсіх відаў і памераў.


Выстава «Star Wars. Акадэмія джэдаяў»

Фота: sunhome.ru

Дзе: ГЦ ALL (Даўгінаўскі тракт, 178)

Калі: па 25 чэрвеня, 10:00-21:00

Колькі каштуе: 5 р.

На выставе «Star Wars» вы можаце акунуцца ў фантастычны свет супрацьстаяння сіл дабра і зла, паглядзець на імперыю Джабы Хата ў лёдзе, паўдзельнічаць у касмічных бітвах з верным памочнікам дроідам R2-D2, убачыць жывых герояў культавай сагі і галоўнае – прайсці пасвячэнне ў джэдаі!

На базе інтэрактыўнай выставы адкрыта ўнікальная для Беларусі Акадэмія джэдаяў. Усім наведвальнікам выдаюцца светлавыя мячы і спецыяльныя ўборы, у якіх можна адчуць сябе сапраўднымі героямі.

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.