У Палацы Незалежнасці прайшла нарада па ўдасканаленні прававога рэгулявання ў асобных сферах эканамічнай дзейнасці з удзелам Прэзідэнта Беларусі. Быў разгледжаны шэраг праектаў, нарматыўных актаў, скіраваных на ўдасканаленне заканадаўства ў асобных сферах эканомікі краіны.
Гутарка ішла пра ўвядзенне на фінансавым рынку новага, дадатковага механізма пагашэння даўгоў, а таксама аб увядзенні сучасных формаў уліку плацяжоў у транспартнай сферы. Акрамя гэтага, прапаноўваліся навацыі па абароце тытунёвых вырабаў і электронных цыгарэт.
— Прадстаўленыя прававыя акты закранаюць дастаткова шырокае кола прадпрыемстваў, фінансавых структур і непасрэдна — што самае важнае — нашых грамадзян, — звярнуў увагу кіраўнік дзяржавы. — Таму, перш чым прыняць рашэнне па гэтых дакументах, нам неабходна абмеркаваць іх непасрэдна са спецыялістамі, якія іх рыхтавалі.
У гэтай сувязі Прэзідэнт заявіў, што хоча атрымаць выразныя адказы на шэраг пытанняў:
— Па-першае, якія прапануюцца навацыі і ў чым іх сутнасць? Па-другое, які чакаецца эканамічны і сацыяльны эфект для дзяржавы і чалавека? Па-трэцяе, наколькі прапануемыя дакументы сістэмныя? Ці не прыйдзецца ў хуткім часе зноў уносіць у іх змены, дапаўненні, а то і ўвогуле адмяняць і прымаць іншыя нарматыўна-прававыя акты?
Аляксандр Лукашэнка цікавіўся і эканамічным эфектам ад прыняцця разглядаемых дакументаў, актуальнасцю абмяркоўваемых пытанняў.
— Яшчэ раз падкрэсліваю: мне не патрэбны ніякія рэформы дзеля рэформаў, — заявіў Прэзідэнт. — Калі гэта рэформа, то гэта ўдасканаленне. Калі патрэбна карэнная нейкая ломка, без удасканалення — абгрунтуйце.
Надзея ЮШКЕВІЧ
Фота БЕЛТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
