Да гэтага турніру будзе прыкавана асаблівая ўвага МАК, таму што ў снежні 2016 года ён афіцыйна ўключыў тайландскі бокс у спіс прэтэндэнтаў у алімпійскую праграму. Форум вядучых тайбаксёраў працягнецца да 12 мая. У Мінск завіталі прадстаўнікі сямі дзясяткаў краін. За нашу зборную выступяць наймацнейшыя кікбаксёры Беларусі, якія дакладна здольныя падняцца на п'едэстал, сярод іх Дзмітрый Валент (81 кг), Віталь Гуркоў (75 кг) і Алена Ляшкевіч (45 кг). Значнай стратай для беларускай зборнай стала адсутнасць Андрэя Кулебіна, які не зможа ўзяць удзел у чэмпіянаце свету.
— На жаль, аб сабе нагадала старая траўма нагі, з'явілася трэшчына, і ўрачы настаялі на пропуску турніру, — адзначыў галоўны трэнер беларускай каманды Міхаіл Сцяпанаў. — У вагавой катэгорыі да 71 кг аднаго з лідараў каманды Андрэя Кулебіна заменіць малады і таленавіты Вадзім Васькоў.
Нагадаем, летась з чэмпіянату свету ў Швецыі зборная Беларусі вярнулася з дзесяццю ўзнагародамі: 5 залатымі,
1 сярэбраным і 4 бронзавымі медалямі. Гэтага аказалася дастаткова, каб у агульным заліку заняць другое месца, прапусціўшы наперад толькі родапачынальнікаў гэтага віду спорту — тайскіх баксёраў.
Дар'я ЛАБАЖЭВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
