Вы тут

Нявестам падарылі біты для нецвярозых мужоў


У індыйскім штаце Мадх'я-Прадэш міністр сацыяльнай справядлівасці і развіцця сельскіх раёнаў Гапал Бхаргава паднёс 700 нявестам драўляныя біты, паведамляе DaіlyMaіl.


Паводле слоў палітыка, жанчыны могуць выкарыстоўваць іх у якасці зброі, калі мужы пачнуць паводзіць сябе непрыстойным чынам пасля ўжывання алкаголю. Своеасаблівы падарунак быў уручаны нявестам, якія выйшлі замуж у ходзе масавай вясельнай цырымоніі, арганізаванай мясцовымі ўладамі. На кожнай з біт прысутнічаюць надпісы «Для біцця п'яніц» і «Паліцыя не ўмешваецца». Бхаргава параіў жанчынам для пачатку ўступаць у дыялог са сваімі нецвярозымі мужамі, аднак калі тыя адмовяцца слухаць, пускаць у ход вясельны падарунак. Пры гэтым ён падкрэсліў, што ў яго няма намеру падбухторваць каго-небудзь да гвалту. Паводле слоў міністра, сваім учынкам ён хацеў прыцягнуць увагу да бядотнага становішча сельскіх жанчын, якія сутыкаюцца з дамашнім гвалтам з боку сваіх мужоў-алкаголікаў. Усяго мяркуецца раздаць маладым 10 000 такіх біт.

Алкагалізм і звязаныя з ім злачынствы ў апошнія некалькі гадоў ператварыліся ў адну з самых сур'ёзных праблем Індыі. Мясцовыя ўлады спрабуюць змагацца з хваробай, аднак атрымаць поспех ім у гэтым пакуль не ўдаецца. З красавіка 2016 года ў адным з самых бедных індыйскіх штатаў Біхар дзейнічае поўная забарона на продаж і ўжыванне алкаголю.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.