Штотыдзень у эфіры тэлеканала «Беларусь 3» гульня «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
ланіты (устарэлае) — шчокі;
макаўка (размоўнае) — купал царквы;
цурка — тонкі аскепак трэскі, палкі;
каласавік — баравік, які расце ў час каласавання жыта. «Жоўтагаловыя каласавікі — грыбы нядоўгія», — чытаем у Івана Навуменкі;
кажамяка (устарэлае) — майстар, які вырабляе сырамятныя скуры;
казальніца (устарэлае) — узвышэнне ў царкве перад іканастасам;
ад гаршка паўвяршка — вельмі нізкі, маленькі ростам. Беларусы яшчэ скажуць: жабе па калена, з вузел, кату па пяту. Рускія: аршин с шапкой;
цьма цьмушчая — вялікая, незлічоная колькасць нечага ці некага. Беларускія сінонімы: без меры, канца краю не відаць, праз горла лезе. Рускі адпаведнік: конца-краю нет.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
