Вы тут

На хвалях памяці — для будучыні


Папяровыя караблікі з пажаданнямі ветэранаў запусцілі каля фантана студэнты Акадэміі кіравання пры Прэзідэнце Рэспублікі Беларусь.


Фота: БЕЛТА

Свята 9 мая асаблівае для людзей усіх узростаў, а ў сучаснай моладзі пакуль ёсць магчымасць пачуць гісторыю з вуснаў тых, хто яе ствараў, адчуць, што такое вайна, які боль яна нясе. Такую думку выказала Наталля Клімовіч, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па пытаннях экалогіі, прыродакарыстання і чарнобыльскай катастрофы, на адкрыцці ўрачыстага мерапрыемства ў Акадэміі кіравання, прысвечанага Дню Перамогі. Дзмітрый Шаўцоў, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах, таксама адзначыў, як важны вынік сустрэчы ўдзельнікаў вайны і тых, хто толькі ступіў у дарослае жыццё:

— Гэта свята жыццёва неабходнае для краіны. Наша моладзь інтэлектуальная, адукаваная, цікавая. Людзі новага пакалення жывуць ужо ў іншым вымярэнні. І тое, што хлопцы і дзяўчаты захоўваюць успаміны, шукаюць звесткі і рэканструююць падзеі — гэта ганарова, важна і вельмі здорава, бо пакуль мы аддаём павагу ветэранам і разумеем, якой цаной быў дасягнуты мір, можна спадзявацца, што цяперашнія і будучыя жыхары краіны падтрымаюць гэты спакой, не дазволяць канфрантацый ні ўнутры Беларусі, ні на знешнепалітычнай арэне.

Рэктар Акадэміі кіравання Марат Жылінскі таксама павіншаваў усіх, хто сабраўся. Па яго словах, Вялікая Айчынная вайна названа так з-за сутнасці перамогі нашых салдат. Не было б яе — напэўна, не існавала б нават пытання пра беларускую нацыю.

— Наша краіна адна з нешматлікіх у свеце, якія адзначаюць Дзень Перамогі і Дзень Незалежнасці як амаль адно свята, агульнае для дзяржавы, — падвёў вынік рэктар.

Акрамя святочнага канцэрта і акцыі «Па хвалях Памяці» каля фантана, прысутныя маглі пабачыць выстаўку ваеннай тэхнікі, ролікі з конкурсу інтэрактыўных праектаў «Святло Вялікай Перамогі» і пакаштаваць гарачай салдацкай кашы.

Рагнеда ЮРГЕЛЬ

yurgel@zvіazda.by

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.