Вы тут

У крычаўскага браканьера канфіскавалі кіламетр сетак


Некалькі мяхоў з сеткамі прыхапілі з сабой жыхар Крычава і два яго таварышы, выпраўляючыся на Сож. Была ў іх і лодка, выкарыстанне якой падчас нерасту забаронена.


Кампанія спынілася на беразе ракі паблізу вёскі Горкі Чэрыкаўскага раёна. Змесціва багажніка прыцягнула ўвагу мясцовага рыбака, які быў грамадскім інспектарам. Ён перадаў інфармацыю аб парушальніках у Дзяржінспекцыю, а сам вырашыў пагаварыць з прыбыўшымі. Пры з'яўленні мужчыны ўладальнік сетак «зрабіў ногі». Работнікі Касцюковіцкай міжрайінспекцыі знайшлі яго ў зарасніку з вудай, дзе той прытварыўся законапаслухмяным рыбаловам. Агульная даўжыня знойдзеных у машыне 17 сетак склала амаль кіламетр. А нават знаходжанне з гэтымі незаконнымі прыладамі лоўлі ў кіламетровай зоне ад рыбалоўных угоддзяў забаронена, не кажучы пра іх выкарыстанне. Высветлілася, што восенню мінулага года ўладальнік сетак ужо прыцягваўся да адказнасці за падобнае парушэнне. Паўторнае парушэнне цягне ўжо крымінальную адказнасць.

Сяргей РАСОЛЬКА

Загаловак у газеце: У «рыбака» канфіскавалі кіламетр сетак

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».