Вы тут

Эмануэль Макрон разлічвае «ўзяць» большасць дэпутацкіх мандатаў


Як вядома, у мінулую нядзелю ў Францыі прайшоў другі тур прэзідэнцкіх выбараў. Экс-міністр эканомікі краіны Эмануэль Макрон атрымаў перамогу з вынікам 66,1%, сведчаць звесткі міністэрства ўнутраных спраў краіны. Свае галасы Макрону аддалі больш за 20,7 мільёна выбаршчыкаў. Лідар партыі «Нацыянальны фронт» Марын Ле Пен атрымала звыш 10,6 мільёна галасоў (33,9%).


Эмануэль Макрон асабіста пагутарыў з лідарамі ЗША, Вялікабрытаніі, Германіі, Турцыі і Канады, перадае агенцтва «Франс Прэс» са спасылкай на камюніке руху «Наперад!», якое ўзначальвае абраны прэзідэнт. Адзначаецца, што Макрон таксама атрымаў шэраг пісьмовых віншаванняў, у тым ліку ад Прэзідэнта Беларусі. Аляксандр Лукашэнка павіншаваў Эмануэля Макрона з выбраннем на пасаду Прэзідэнта Французскай Рэспублікі, паведамілі ў прэс-службе беларускага лідара. «Карыстаюся выпадкам, каб выказаць зацікаўленасць у пашырэнні беларуска-французскіх сувязяў у палітычнай, гандлёва-эканамічнай, гуманітарнай і іншых галінах, развіцці канструктыўнага ўзаемадзеяння паміж нашымі дзяржавамі ў міжнародных арганізацыях», — адзначаецца ў віншаванні. Кіраўнік дзяржавы разлічвае на падтрымку ўзаемавыгаднага супрацоўніцтва паміж Беларуссю і Францыяй дзеля росквіту і дабрабыту народаў дзвюх краін.

Новаабраны прэзідэнт абвясціў, што свой першы замежнапалітычны візіт здзейсніць у краіну-лакаматыў Еўрасаюза, Германію. «Мы нясём адказнасць за будучыню нашай краіны. Мая адказнасць заключаецца ў тым, каб знізіць той страх, які ёсць у грамадстве, і зрабіць велізарны крок у будучыню», — сказаў Макрон, паабяцаўшы быць прэзідэнтам усіх французаў і ўспомніўшы «вялікую гісторыю Францыі», годным нашчадкам якой яму і яго суайчыннікам трэба быць.

Марын Ле Пен у сваёй паслявыбарнай прамове, прызнаўшы сваё паражэнне, таксама казала пра гісторыю: свой вынік на выбарах яна назвала гістарычным. Але ў ультраправых не атрымліваецца схаваць расчараванне: прагназуемых 40% галасоў іх лідар, якая прайграла ў другім туры, так і не набрала.

Рух «Наперад!» Эмануэля Макрона адразу ж пасля выбараў кіраўніка дзяржавы пачынае падрыхтоўку да новай не менш важнай бітвы. Мэта — атрымаць большасць дэпутацкіх мандатаў у Нацыянальнай асамблеі, ніжняй палаце парламента. Рух, які створаны менш за год таму, будзе прадстаўлены практычна ва ўсіх выбарчых акругах — іх у Францыі 577. Але пакуль вядомыя імёны толькі 14 кандыдатаў. На агульных выбарах рух пойдзе пад новай назвай — хутчэй за ўсё будзе перайменаваны ў «Рэспубліка, наперад!».

Два туры парламенцкіх выбараў у Францыі прызначаны на 11 і 18 чэрвеня. Палітычнай сіле Эмануэля Макрона — ён дарэчы ўжо падаў у адстаўку з пасады кіраўніка руху — прадказваюць на іх каля 24% галасоў. Аднак яго асноўныя палітычныя сапернікі адстаюць не нашмат, што можа перашкодзіць Макрону атрымаць парламенцкую большасць, неабходную для правядзення абяцаных у перадвыбарнай праграме пераўтварэнняў.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».