20 Люты, аўторак

Вы тут

Золатавалютныя рэзервы павялічыліся да 5,1 млрд долараў


За чатыры месяцы года золатавалютныя рэзервы Беларусі ў адпаведнасці з метадалогіяй Міжнароднага валютнага фонду (МВФ) выраслі на 3,7%. Па стане на 1 мая яны склалі 5 млрд 108,7 млн долараў (у эквіваленце), паведамілі ва ўпраўленні інфармацыі і грамадскіх сувязяў Нацыянальнага банка.


Фінансісты адзначаюць, што толькі за красавік нашы рэзервы ўзраслі на 92,6 млн долараў (на 1,8%) пасля зніжэння ў сакавіку на 6,2 млн долараў (на 0,1%). У нацыянальным вызначэнні аб'ём золатавалютных рэзерваў на 1 мая склаў 5 млрд 672 млн долараў, або павялічыўся за красавік на 263 млн долараў (на 4,9%). З пачатку года ЗВР у нацыянальным вызначэнні выраслі на 487,5 млн долараў.

У прэс-службе Нацбанка паведамляюць, што павелічэнню золатавалютных рэзерваў у красавіку спрыялі паступленне трэцяга траншу фінансавага крэдыту Еўразійскага фонду стабілізацыі і развіцця, купля рэгулятарам замежнай валюты на таргах Беларускай валютна-фондавай біржы, прыцягненне сродкаў ад продажу Міністэрствам фінансаў і Нацыянальным банкам аблігацый, намінаваных у замежнай валюце, паступленні ад збірання экспартных пошлін на нафту і нафтапрадукты, а таксама рост цаны золата на міжнародным рынку каштоўных металаў. Адмоўны ўплыў на дынаміку рэзерваў аказала планавае пагашэнне ўрадам і Нацбанкам знешніх і ўнутраных абавязацельстваў у замежнай валюце.

Эксперты банка нагадваюць, што за мінулы год золатавалютныя рэзервы краіны ў вызначэнні МВФ павялічыліся на 751,4 млн долараў (на 18%) (у эквіваленце) на 1 студзеня 2017 года. Асноўнымі напрамкамі грашова-крэдытнай палітыкі на 2017 год прадугледжаны рост золатавалютных рэзерваў не менш як на 500 млн долараў.

Сяргей КУРКАЧ

kurkасh@zvіаzdа.bу

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?