23 Чэрвень, субота

Вы тут

У Віцебску адкрыліся эканамічны і экалагічны форумы


У Віцебску адкрыліся VІ Міжнародны эканамічны форум «Інавацыі. Інвестыцыі. Перспектывы» і ХІV Рэспубліканскі экалагічны форум.


Міністр прыродных рэсурсаў і аховы навакольнага асяроддзя Андрэй Каўхута азнаёміўся з прадстаўленымі на спецыялізаванай выставе тэхналогіямі выкарыстання другасных рэсурсаў і ўзнаўляльных крыніц энергіі.

Эканамічны форум стаў цэнтральнай інвестыцыйнай пляцоўкай для сустрэч і абмену вопытам прадстаўнікоў бізнесу розных краін, вядучых экспертаў у сферы паляпшэння інвестыцыйнага і дзелавога клімату.

Падчас наведвання спецыялізаванай выставы госці мерапрыемства і жыхары Віцебска змаглі пазнаёміцца з дасягненнямі навукі і тэхнікі, тэхналагічным патэнцыялам Віцебскай вобласці ў сферы будаўніцтва, энергетыкі, энерга- і рэсурсазберажэння, а таксама новымі «зялёнымі» тэхналогіямі, якія сёння выкарыстоўваюцца на прадпрыемствах Беларусі.

Па словах старшыні Віцебскага абласнога выканаўчага камітэта Мікалая Шарстнёва, Віцебшчына мае значны інвестыцыйны патэнцыял. Толькі сёлета ў рэгіёне рэалізуецца больш за 180 інвестыцыйных дагавораў, заключаных бізнесменамі з розных краін свету з аблвыканкамам на суму каля 1,2 млрд долараў.

У мерапрыемствах форумаў таксама прымалі ўдзел дэлегацыі з Расійскай Федэрацыі, Латвіі, Германіі, Польшчы, Славакіі, Турцыі, Кітая і інш.

— Аб'яднанне экалагічнага і эканамічнага форумаў мне падаецца вельмі важным і сімвалічным, бо развіццё эканомікі цяпер магчыма на аснове экалагічных падыходаў да дзейнасці прадпрыемстваў, да аховы навакольнага асяроддзя, — адзначыў міністр прыродных рэсурсаў і аховы навакольнага асяроддзя Андрэй Каўхута. — Гэта таксама неабходна для стварэння спрыяльных умоў для жыцця нашых грамадзян і павелічэння іх дабрабыту.

Вераніка КОЛАСАВА

Загаловак у газеце: Інвестыцыі ў будучыню

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Культура

У Вілейцы можна ўбачыць станок, аналагічны таму, за якім працаваў Скарына

У Вілейцы можна ўбачыць станок, аналагічны таму, за якім працаваў Скарына

Ёсць тут зала друкаванай прэсы. Аднак асаблівую цікавасць, безумоўна, выклікае ў экспазіцыі друкарскі варштат.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.