18 Чэрвень, панядзелак

Вы тут

«БелДжы» прадставіць тры новыя мадэлі аўтамабіляў


Гэта адбудзецца на ХХ Беларускім прамысловым форуме.

Акрамя аўтамабіляў «БелДжы», на выстаўцы ўпершыню пакажуць розную тэхніку: аўтобус МАЗ, аўтамабіль-офіс маркі «Купава», трактарны завод пакажа ўзоры новых трактароў, а «Амкадор» прывязе новы пагрузчык. Таксама на стэндах з'явяцца трансфарматары, ультрагукавыя лічыльнікі газу і многае іншае, — аб гэтым расказаў начальнік галоўнага ўпраўлення інавацыйнай і інвестыцыйнай дзейнасці Міністэрства прамысловасці Валерый ФІШМАН на прэс-канферэнцыі напярэдадні прамысловага форуму.


За доўгія гады Беларускі прамысловы форум набыў статус міждзяржаўнага мерапрыемства: на юбілейнай выстаўцы, акрамя айчынных прадпрыемстваў, найноўшыя распрацоўкі пакажуць арганізацыі Кітайскай Народнай Рэспублікі, Славацкай Рэспублікі, Разанскай, Самарскай, Калужскай абласцей і Рэспублікі Татарстан Расійскай Федэрацыі.

— Сёлета ў выставачных мерапрыемствах Беларускага прамысловага форуму прымуць удзел больш за 250 прадпрыемстваў, — адзначыў дырэктар унітарнага прадпрыемства «Экспафорум» Аляксандр СТАРЫКАЎ. — Акрамя таго, у традыцыйным конкурсе зваршчыкаў прыме ўдзел 161 спецыяліст з 89 прадпрыемстваў.

На пляцоўцы Беларускага прамысловага форуму адначасова будуць працаваць тры буйныя спецыялізаваныя выстаўкі: ТэхІнаПрам — тэхналогіі і інавацыі ў прамысловасці, выстаўка-прэзентацыя «Прафзварка» і «ПЛАСТЭХ». «Трэба адзначыць, што ўпершыню адкрыецца выстаўка палімерных матэрыялаў, тэхналогій і прыкладнога выкарыстання «ПЛАСТЭХ». На ёй прадставяць сыравіну і матэрыялы, а таксама тэхналогіі і дзеючае абсталяванне для вытворчасці і перапрацоўкі палімераў», — дадаў Аляксандр Старыкаў.

Традыцыйным удзельнікам выстаўкі з'яўляецца Дзяржаўны камітэт па навуцы і тэхналогіях. «Мы будзем рабіць дзве новыя пляцоўкі, — сказаў першы намеснік старшыні Дзяржаўнага камітэта па навуцы і тэхналогіях Андрэй КАСОЎСКІ. — Першая — калектыўны стэнд на 200 квадратных метраў і больш за 200 навукова-тэхнічных распрацовак. Другая — гэта форум бізнес-ідэй, каб сабраць разам навукоўцаў і інаватараў».

Беларускі прамысловы форум пройдзе ў Мінску з 23 па 26 мая на найбуйнейшай выставачнай пляцоўцы краіны — у Футбольным манежы.

Уладзіслаў ЛУКАШЭВІЧ

lukashevich@zvіazda.by

Дадаць каментар

Выбар рэдакцыі

Грамадства

Калі адукацыя «захрасне» ва ўчарашнім дні, лічбавае грамадства не свеціць

Калі адукацыя «захрасне» ва ўчарашнім дні, лічбавае грамадства не свеціць

Лічбавая трансфармацыя — не мода і не часовая з'ява.

Грамадства

Людзей палілі ў хляве, хто выбягаў — сустракалі агнём

Людзей палілі ў хляве, хто выбягаў — сустракалі агнём

Гэтымі днямі споўнілася 75 гадоў, як знішчылі жыхароў вёсак Любель-Поль і суседняй Вулькі Гарадзішчанскай. 

Эканоміка

Выбіраем недарагі і даступны крэдыт на жыллё

Выбіраем недарагі і даступны крэдыт на жыллё

Правілы гульні ў крэдыты змяніў Нацыянальны банк краіны. 

Калейдаскоп

У Наваполацку ўпершыню прайшоў канцэрт «Песня года»

У Наваполацку ўпершыню прайшоў канцэрт «Песня года»

Музычны тэлепраект «Песня года» тэлеканал АНТ ладзіць ужо 13 гадоў, пераняўшы традыцыю ў расійскага Першага канала.