Вы тут

У БДУ прайшла канферэнцыя «Дэмаграфічныя рызыкі XXІ стагоддзя»


Дэмаграфічныя праблемы ва ўсім свеце становяцца ўсё больш вострымі, і важным становіцца іх абмеркаванне ў тым ліку на маладзёжнай платформе. Такой пляцоўкай у Мінску ужо чацвёрты раз выступае геаграфічны факультэт Белдзяржуніверсітэта. Студэнты розных краін атрымалі ўнікальную магчымасць абмеркаваць пытанні міграцыі і дэмаграфічных працэсаў, выказаць свае думкі адносна магчымага развіцця падзей у гэтым кірунку.


Канферэнцыя «Дэмаграфічныя рызыкі XXІ стагоддзя» была арганізавана ў межах праекта «Падтрымка рэалізацыі нацыянальнай праграмы дэмаграфічнай бяспекі Рэспублікі Беларусь». Фінансуецца праект урадам Расійскай Федэрацыі, Фондам ААН у галіне народанасельніцтва і ЮНІСЕФ. Удзельнікамі сталі дакладчыкі вядучых універсітэтаў Беларусі, Расіі, Украіны, Чэхіі і Казахстана.

«Большая частка тэндэнцый у нашай краіне сугучная агульнаеўрапейскім трэндам, хоць ёсць у нас і некаторыя асаблівасці, — кажа загадчыца кафедры эканамічнай геаграфіі замежных краін БДУ, доктар геаграфічных навук, прафесар Кацярына АНЦІПАВА. — Наша краіна старэе, як і большасць краін Еўропы, у нас назіраюцца натуральныя страты насельніцтва, хоць яны і мінімальныя. Крыху вышэйшы за еўрапейскі ўзровень смяротнасці. А станоўчай тэндэнцыяй стала ў апошнія гады — і ў нас, і ў Расіі — павышэнне нараджальнасці. Гэта звязана з уступленнем у дзетародны ўзрост апошняга шматлікага пакалення, за якім нам варта чакаць дэмаграфічнай ямы. Другі момант, які паспрыяў нараджальнасці, — наша сістэма дзяржаўнай падтрымкі сем'яў, хоць, на думку замежных экспертаў, гэта слаба ўплывае на нараджальнасць». Сучасным выклікам становіцца дэмаграфічнае старэнне насельніцтва, якое цягне за сабой не проста рост долі пажылога насельніцтва, а дэфіцыт працоўных рэсурсаў. Рабочая сіла няўхільна старэе, і моладзь, якой з гэтым жыць, павінна думаць, як менавіта.

Святлана БАРЫСЕНКА

protas@zviazda.by

Загаловак у газеце: Дэмаграфія і сучасныя выклікі

Выбар рэдакцыі

Спорт

Фігурыст Юрый Гуліцкі: Думаю, турнір у Мінску будзе класны

Фігурыст Юрый Гуліцкі: Думаю, турнір у Мінску будзе класны

У дваццатых чыслах студзеня ў Мінску ўпершыню пройдзе маштабны турнір па фігурным катанні.

Грамадства

Дзе шукаць рэчы, забытыя ў грамадскім транспарце

Дзе шукаць рэчы, забытыя ў грамадскім транспарце

​Кожны з нас хоць раз у жыцці адчуваў сябе «машкай-разявашкай».

Калейдаскоп

На «Песні года Беларусі» артысты прызнаваліся ў любові да родных мясцін

На «Песні года Беларусі» артысты прызнаваліся ў любові да родных мясцін

У мінулую пятніцу ў Мінску прайшоў заключны канцэрт «Песні года Беларусі».