Вы тут

Орша і Аршанскі раён павінны атрымаць новы імпульс развіцця


Гэта адзначыла кіраўнік Адміністрацыі Прэзідэнта Наталля КАЧАНАВА, прадстаўляючы актыву Аршанскага раёна новага старшыню райвыканкама Леаніда Пянькоўскага.


Размаўляючы з журналістамі, Наталля Качанава адзначыла, што Орша і Аршанскі раён заўсёды былі значнымі і знакавымі тэрыторыямі як для Віцебскай вобласці, так і для краіны ў цэлым. «Гэта добры сельскагаспадарчы раён, буйны індустрыяльны цэнтр. Увага да Оршы прыцягнута нездарма, — сказала кіраўнік Адміністрацыі Прэзідэнта. — Орша і раён павінны атрымаць новы імпульс развіцця, а веды і вопыт новага кіраўніка павінны быць рэалізаваны тут у поўнай меры. Дэпутацкі корпус і кіраўнікі ўсіх рангаў павінны выступіць адзінай камандай з новым старшынёй райвыканкама і рабіць усё, што неабходна для развіцця раёна».

«Прыемна, што сёння пра Леаніда Пянькоўскага добра казалі людзі, якія працавалі з ім у Бешанковіцкім раёне. Хацелася б, каб гэта прызначэнне было ўдалым, таму што Прэзідэнт надае самую пільную ўвагу кадрам, якія працуюць на месцах, — старшыням рай- і гарвыканкамаў. Бо гэта людзі, за плячыма якіх стаяць не проста тэрыторыі, а прамысловасць, сельская гаспадарка, сацыяльная сфера і, самае галоўнае, людзі з іх праблемамі і клопатамі. Гэта вельмі важна», — заявіла кіраўнік Адміністрацыі.

Надзея ЮШКЕВІЧ

yushkevich@zviazda.by

Загаловак у газеце: За плячыма — людзі

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.