З 15 па 21 мая ў Беларусі праходзіць V Тыдзень даступнасці, арганізаваны «Офісам па правах людзей з інваліднасцю».
Мэта гэтага комплексу мерапрыемстваў — павышэнне ўвагі да праблемы даступнасці для людзей з інваліднасцю з улікам Канвенцыі аб правах інвалідаў. Сёлета даступнасць разглядаецца ў першую чаргу ў фокусе свабоды ад дыскрымінацыі. Таму слоган мерапрыемства абазначаны наступным чынам — «Ад даступнасці да роўнасці».
Круглыя сталы, майстар-класы, публічныя лекцыі ад міжнародных экспертаў, тэматычныя кінапаказы... Сёлета не абыдзецца і без Форуму даступнасці, які будзе праходзіць у абноўленым фармаце. Кульмінацыяй мерапрыемства стане тэматычны фестываль у Лепелі.
У рамках Тыдня даступнасці па ўсёй краіне пройдуць і бясплатныя юрыдычныя кансультацыі для людзей з інваліднасцю. Кансультацыю змогуць атрымаць людзі з інваліднасцю І, ІІ і ІІІ груп. Таксама могуць звяртацца сем'і, што выхоўваюць дзяцей з псіхафізічнымі асаблівасцямі, якія маюць інваліднасць.
Мінская гарадская калегія адвакатаў правядзе бясплатны прыём грамадзян з інваліднасцю 17—18 мая. У Мінскай вобласці акцыя пройдзе 16 мая, у Брэсцкай і Гомельскай — 17 мая, у Гродзенскай — 18 мая, у Віцебскай вобласці — 19 мая.
Святлана БУСЬКО
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
